< Restolando pel Conceyu de Tinéu: La cuna de Riego >
TUÑA
Tuña
ye una parroquia del conceyu vaqueiru
de les
Asturies de Tinéu,
el segundu más grande d’Asturies, asitiada al sur-este del mesmu,
xusto na bocana del apéndiz cuartanu. Equí ñació'l Xeneral Riego (amás del
Maestru Antón) nun palaciu de la vega’l Ríu Tuña, a la solombra
del sacrosantu dolmen de Merillés (¿qué
más quies?).
Pos
sí, hai más. Tuña, la capital del Cuartu la Riera*, ye un centru
d’arquiteutura nobiliaria – y rural tamién – onde se mecen les
families de Riego, Tinéu, Florez Valdés, Peláez d’Arganza,
Quiñones, De la Sierra y tamién de la mesma Tuña. Tremendo. Viendo
tantes casones-palaciu ún nun atalanta comprender cómo pudieren
coesistir
al empar; ¿sedría’l cohabitar cosa del amor?… Cuido que sí,
l‘únicu
que conozo capaz
d’iguar
algo asemeyao ye Cupido… ¿Andará escondíu
pel
pueblu?…
 |
| Los cuartos de Tinéu: La Riera, Los Valles, Tinéu y Mirallo. |
*
Los
cuartos del Conceyu de Tinéu
El
Conceyu de Tinéu presenta como cuatro zones estremaes pola so
xeografía,
son Los Cuartos:
. Cuartu de la Riera, con
capital en Tuña, na parte sur-oriental.
.
Cuartu de los Valles, con capital en Navelgas, más
al noroeste.
. Cuartu de Tinéu, más
al nordeste.
. Cuartu de Mirallo, pa
Xera y Valentín, qu’ocupa’l sur-occidente.
 |
| Dolmen de Merillés, morada los ancestros de Tuña |
 |
| Ríu Navelgas, l'oru qu'estrayíen pequí pasaba per Tuña camín d'Astorga, capital del Conventus Asturum. |
 |
| <CHoscu de Tínéu> ("Non solo de pan vive l'home") Esto foi en <Casa Martín>, Bárcena. <Pa caleyar ye presiso xintar> |
Navelgas , Pueblu exemplar d'Asturies 2003, ye la capital del Cuartu los Valles, nel noroccidente del Conceyu de Tinéu. La Parroquia, a unos 660 m/snm de media, abarca unos 22 km2 y tien al rodiu los quinientos habitantes. La exa d'esta comarca ye'l Riu Navelgas - afluente del Esva - conocíu como'l ríu d'oru. El MOA (Muséu del oru d'Asturies) foi un finxu importante pal espoxigue d'esta zona ganadera y agricultora que tamién caltién alguna industria chacinera, como na Sierra'l Forcayao que se vende col logu AST (Alta Sierra de Tinéu). ¿Probasti'l <choscu de Tinéu>?... Nós xintamos en Bárcena y dimos cuenta d'elli; pa repetir. La prósima tien de ser na mesma Navelgas, que <nun ye oru too lo que relluma>.
 |
| MUA (Muséu del Oru n'Asturies) . Navelgas (Tinéu). |
Esta vez nun nos enquivocamos y tres pasar Tinéu empobinamos pa Navelgas tamando na rotonda la salida afayaiza. (Bueno, en realidá sí nos trompicamos nun cruce - mal indicáu - y tuvimos que dar la vuelta, pero esto ye crónico.)
 |
| Torques, d'oru y plata. Símbolu de poder celta. |
 |
| Oureiru , bateando |
Nel Muséu hai maquetes y vídeos desplicativos d'esti procesu. Nun dexes de visitalu y se te prúi convertite nun oureiru y pañar un poco d'oru alpuntándote a l'actividá de batéu; hebo unu qu'alcontró una pepita de 27 gm., fizo'l día. Tamién hai una Ruta del Oru, de 1,5 km pa ver les güelgues del procedimientu.
 |
| Monesteriu de Samiguel de Bárcena (Tinéu). Ilesia a mandrecha y Monesteriu a manzorga. |
[[ Una bárcena ye un tarrén más o menos llanu, asitiáu a la vera d'un ríu polo que delles veces alcuéntrase inundao. Onde se crucien les carreteres AS-350, que vien de Tinéu, y la AS-219 que tira p'Allande hai un llanu percorríu por un ríu que lleva esti topónimu: Ríu Bárcena, que na so xuntanza colos ríos Navelgas y Grande de Calleras orixina'l Ríu Esva que desagüa na Sablera de les Cueves. El pueblu tamién se llama Bárcena pero tien un apellidu, del Monesteriu: Bárcena del Monesteriu.
Nesti llugar afayaizu, onde tán les más granibles ganaderíes del conceyu, asitióse un monesteriu a partir d'una ilesia prerrománica de la que se caltienen una ventana xeminada. Foron los condes Vela Nuñez y la so muyer Totilde los que fundaron el monesteriu tres amortizar una obra anterior. Estos condes tuvieron cuatro fíos, la cuarta - Ximena Vélaz - foi la madre d'Arogonti o Arogontine, que ta enterrada nesti momesteriu como reza nuna llábana funeraria: <Equí descansa la sirva de Dios Arogontine confesa que morrió'l primeru de setiembre del añu 1003>
D'esta descendencia ñacería dellos años más tarde (1046-1116) Doña Ximena, la muyer del Cid Campeador. Esto ye pedigrí; sí, señor.
La ilesia actual (XIII) tien traza románica - como amuesen les dos portaes - seique tien pasao per delles igües. D'una sóleda nave y un llamatible ábside circular tiense abierto (XVI) una capiella nel lladral norte. Na cabecera - con guapes pintures - tán asitiaes la sacristía ya un pequeñu absidiolu circular.
En Mayu de 1010 Alfonso V concedió a esti monesteriu'l drechu de pagu real, llibre de cargues de montazgu, en desterciu de la nobleza que llevaba les tierrres hasta entós. Tamién-y concedió delles brañes vaqueires. ¡Viva'l Rei!. Más tarde esti monesteriu quedó embaxo la xurisdición del Monesteriu de Corias, ¡qué llobos!.
Bueno, si un día me paro a velu per dientro, cuéntelo; tengo ganes ver el patiu interior. ]]
Tres sacar unes semeyes - escases - al monesteriu embredamos pa Tinéu pero al pasar per delantre de <Casa Martín> y ver tantos coches estacionaos nun lo pensamos:
- Esto tien bona pinta pa xintar, muncho parking.
- Cuando menos podemos tomar el vermú.
Xintamos el <Choscu de Tinéu>, qu'entraba nel menú: Bonu, choscu y baratu.
 |
| Central térmica del Narcea Sotu la Barca. |
De Bárcena tiramos
camín de Tinéu per la
AS-219, llueu la As-350 y tres bordiar la capital tomamos la AS-215 y
darréu la AS-15 talo
si fuéremos pa Uviéu bien cerca l’embalse
La Florida . Dexamos atrás la
Central
Térmica de Sotu La Barca y
cruciamos la
ponte,
sobro’l Narcea,
en direición a
Merillés
al
traviés
de
la granible vega del
Ríu Tuña,
que
ñaz de la meceura les
riegues
Fraxeirúa y Xenestaza.
 |
| <A Dios rogando y en Casa Pipo escanciando> |
Ye esti pueblu tan monumental que nun nos decatáremos qu’a mandrecha había otru - Casa María - tapecíu por una muría almenada. Nin ta siquier llegamos a entrar na Plaza Riego onde’l xeneral, dubitatible, nun sabe si entrar a rezar na ilesia que tien enfrente o a tomar el vermú en Ca Pipo, que ta a manzorga. Aparcamos delantre una cande torre ensamblada a un cuerpu más baxu y qu’en conxuntu convierten al palaciu nun modernu hotel-restaurant al que nun-y falta de nada:
 |
| Casa Torre de Tuña, Hotel. ¿Noble por un día? ... O más, si pue ser. |
Les
ampliaciones posteriores llegaron hasta’l XVII consistiendo
n’apertura
de ventanes ya nun
cuerpu más baxu dotáu del típicu corredor asturianu con portalada
y otru cuerpu traseru perampliu que complementa les dos partes
anteriores.
Les
reformes modernes por
mor de la so reconversión n’Hotel
de 3 ***
caltienen
con gustu los dinteles y xambes de les ventanes y el
corredor pasó a ser una
moderna galería, ¡una pasada!. Tamién
se respeta dafechu la carpintería del interior tantu
n’escaleres como nel revestimientu de cafetería y salón. Un
día pienso agospiar equí, talo que n’otros palacios rurales
d’Asturies, y poder cuntávoslo nun post: aparcaré
n’antoxana, asistiré a daqué conferencia nel Salón Severo Ochoa
de la planta baxa ya
hestoriaré
delles esperiencies dende’l salón Cuartu de la Riera asitiáu na
primer planta.
 |
| ¿Armes de Tinéu? <Cabra y garcía abellugando una cruz> |
Sobro’l dintel d’una ventana de la fachada principal hai un escudu grabáu coles posibles armes de los García de Tinéu: <una cabra ya una García abellugando una cruz>. L'escudu tradicional de los garcía de Tinéu ye: < En campu de gules un roble en so color con dos cabres, una rampante ya otra sedente. Cinco veneres en plata - una en xefe y dos en cada lladral - ornen el campu. Equí l'árbol conviertese en cruuz, por eso naide afita si ye dafechu'l blasón de los García.
N'otru dintel de la fachada posterior amuesa les armes de los García-Bernardo: <En campu d’oru dos torres de gules terrazaes de sinople qu’abelluguen una cruz llana de gules>.
*********************
 |
| Sta. María del Pedréu (D'una semeya en Casa Pipo) |
La
ilesia renacentista
de
Santa María
del Pedréu ye del sieglu XVIII (1771)
seique
antes había otra de la
que se caltién
un retablu de
los Florez-Valdés datáu nel XIII. Tamién
hai otru de los Riego y Tinéu de Tuña pero yá del XVIII.
Templu
llevantáu en
sillares de piedra
caliza
roxo estraío
bien cerca, n’Espinaréu. Tien forma
de cruz llatina ya
una cúpula sobro’l cruceru y arcos de mediu puntu que sofiten la
bóveda per aciu de fuertes columnes rectangulares. Na
fachada principal tenemos el portón d’entrada con arcu de mediu
puntu sobro’l cualu hai un güeyu (óculu) pa dar luminosidá al
interior ya una fornacina con una imaxe que paez sostener la
espadaña barroca de
dos güeyos ornada con pináculos.
 |
| Santa María del Pedréu. |
Entramos
na ilesia embaxo un coru de madera al
que s’accede per aciu una escalera de la mesma madera.
A manzorga tenemos la pila bautismal onde se bautizó’l propiu
xeneral Riego. El
retablu mayor, obra de Palomino, presenta la imax de María ya otra
del célebre San Roque. Les dos capielles de los lladrales yeren
mausoleos propiedá de families nobiliaries como los Florez Valdés,
que caltién un retablu de la ilesia primitiva. L’otru
perteneció a los Riego y Tinéu de Tuña.
********************
 |
| Plaza Riego, dende'l cabildru la Ilesia. |
Salimos de la ilesia al traviés del cabildru y aprovechamos pa tomar una semeya de los dos monolitos que vemos al fondu: Ún lleva una placa homenaxe a Tuña como pueblu exemplar d’Asturies del añu 2000 y otra enalta al xeneral Riego, l’home que s’alzó encontra’l rei tiranu Fernando VII en 1920 obligándolu a “tragar” la Constitución durante tres años (1820-23); faena que’l tiranu nunca nun perdonó y terminó llevándolu a la forca énte la mirada perdida de dellos correlixonarios, bien célebres algunos, que taben emporcando’l pantalón.
Siguimos caminando cai alantre y pasamos pembaxo la muria les escueles llaraes de grafitis al rodiu la vida’l Xeneral. A tres pasos damos cola Chamborra, la casa natal de Riego, tamién conocía como <Morueco>. Camborra yera un apellíu de la güela materna del xeneral.
 |
| La Chamborra, casa natal del lliberal Riego |
N’aximétrica
fachada
este de la casa, cola
que primero nos
atopamos,
reza un cartelu de mármore que fai alcordanza la nacencia d’esti
ilustre personax asina como un escudu coles armes de los Rodríguez
de Tuña, Pampley y Peláez d’Arganza.
 |
| Uviéu, homenax al Xeneral Riego. |
[[ El
Xeneral Riego
, don
Rafael José
M.ª Manuel Antonio del
Riego Flórez, ñació
en Tuña, na casa
La Chamborra, el 7 d’Abril de 1784. So padre, el poeta y
bohemiu
Euxenio del Riego Núñez
y Flórez-Valdés, foi nomáu Alminastrador de Correos polo qu’hebo
de traslledar a Uviéu siendo Falín un guaje pero la familia caltuvo
siempre los sos raigaños en Tuña onde braniaben tolos años. El
so proxenitor tamién perteneneció a la Sociedá d’Amigos del País
y formó parte de la Xunta Suprema
d’Asturies
que s’opuso a los franceses cuando
la Guerra la Independencia. Don
Euxenio yera un poeta bastante bohemiu que siempre tenía la casa
acorropinada, además de guajes (8 fíos), de persones notables de la
dómina talo que Campumanes, Argüelles o Florez Estrada… ¡Cómo’l
revolvín nun diba salir lliberal!..
Rafael entama estudiar Lleis na universidá d’Uviéu pero tíren-y más les armes y en 1807 cola pa Madrid entrando nel Exércitu como guardia de corps de Carlos IV. Cuando en 1808 nos invaden los franceses el xeneral Murat mételu presu, por prevención, dao’l so conocíu calter revolvín pero - mazcariáu de pastor - fúgase p’Asturies onde lu pilla’l <Dos de Mayu>. Siendo ayudante del xeneral Acevedo, cayó prisioneru tres la derrota na batalla d’Espinosa los Monteros siendo deportáu a Francia onde s’empapa de Lliberalismu y teoríes masóniques, faciéndose seguidor de les mesmes.
 |
| TUÑA: Palaciu Torre de Cienfuegos Per equí xugaba Riego, de bien pequeñu. De grande tamién vio la vida tres d'una rexa. |
Rafael entama estudiar Lleis na universidá d’Uviéu pero tíren-y más les armes y en 1807 cola pa Madrid entrando nel Exércitu como guardia de corps de Carlos IV. Cuando en 1808 nos invaden los franceses el xeneral Murat mételu presu, por prevención, dao’l so conocíu calter revolvín pero - mazcariáu de pastor - fúgase p’Asturies onde lu pilla’l <Dos de Mayu>. Siendo ayudante del xeneral Acevedo, cayó prisioneru tres la derrota na batalla d’Espinosa los Monteros siendo deportáu a Francia onde s’empapa de Lliberalismu y teoríes masóniques, faciéndose seguidor de les mesmes.
 |
| Semeya de Neto: <Los nuesos paisanos> |
En 1814 – yá cola <Pepa>
en marcha - torna al exércitu español col grau de teniente coronel
tres ilustrase en <viaxe d' Erasmus> per Inglaterra y
Alemania. Xura la Constitución de 1812 enantes que’l felón la
refugare dafechu. Darréu seis años d’absolutismu (1814-20), seis
años que Riego pasó conxurando pa tornar España al
constitucionalismu hasta que pudo sulevar en Cabezas de San Juan
l’exércitu que debía embarcar p’América a la fin de defender
les colonies de los independentistes.
- Lo primero ye
lo primero.
< El rei debe’l tronu
a los que llucharon na Guerra la Independencia por defender la
llibertá constitucional pero elli nun ta pol llabor…
Sí, sí, soldaos; la
Constitución. ¡Viva la Constitución!.>.
Tres munchos avantares
consiguió que’l felón firmare <la Pepa> (Constitución
1812):
- <Marchemos
toos ensembre, y yo’l
primeru, pela sienda constitucional...>- Hai que ser xostrón.
 |
| Semeya de Neto: <Los nuesos paisanos> |
Duró
tres años la <paz>
(20-23) algamando
entrín y non - Riego
- a Mariscal de Campu,
Capitán
Xeneral de Galia y Presidente
de les Cortes lliberales. Demasiao lliberales pa un rei que se
restuerce d’envidia ente’l clamor xeneral d’un pueblu qu’adora
al cuartanu, un mitu viviente…
Nun ye pa con ello y
casi tres años depués consiguió que empapelalu :
< - ¡Republicanu!
¡Lliberal esaltáu! Y pa enriba diz que nun toi cabal pa gobernar y
hasta lo robla nun papel… Vas enterate lo que val un rei; voi
acabar col cuentu.>
Presu, casi olvidáu de los
suyos que tremaben como la llama una vela cuando aprucieron los <Cien
mil fíos de L.luís>, morrió aforcáu y darréu decapitáu na
plaza La Cebada de Madrid.
- Tanto miéu-y tienes
qu’has llevalu al acadalsu fundíu, arratráu nun serón como un
cobarde…
Los gochos cebáronse
bien n’él, los de dientro y los d’afuera que consideraben el
lliberalismu español un peligru pa la estabilidá europea.
-
Vaya
por Dios
cola Santa Alianza...
<
Si Riego morrió nun cadalsu
nun foi por enfama o
traición,
foi cola espada na
mano
defendiendo la
Constitución>.
Rafael
casó por poderes con
una sobrina, doña María Teresa del Riego y Bustillos, en
1821 pero l’amor ha dura-yos bien poco, como yá sabemos, y
malpenes tienen tiempu a conseguir descendencia. Nin pa eso-y dio venia "El Deseyáu".]]
***********************
Cola Constitución na mano
colamos de La Chamborra y picamos cai arriba dica otru palaciu
axacente: La Casa Torre de Cienguegos más conocía como Casa
Pepón.
 |
| Casa Pepón, La Torre de Cienfuegos. |
Entamó esti edificiu pola
torre cuadrada nel sieglu XIV y foron añediéndose-y cuerpos hasta’l
XVIII, algo asemeyao a lo que ocurrió cola Torre de Tuña. Llama
l’atención el cuerpu central de corredor con balustrada al que
s’accede per aciu d’una escalerona llateral. Ta mui iguada, y mui
guapa, con sos arcos de mediu puntu ya un horru pimpanudu remocicáu
dafechu.
Célebre personaxe d’esta
casa, bautizáu en Tuña, foi don Pedro Cienfuegos y Villazón
qu’algamó nel XVII (1652) a obispu de Popayán, nes Indies, y más
tarde de Trujillo y Mechoacán.
********************
 |
| PALACIU SEÑORIAL de los Riego y Tinéu de Tuña. |
Preguntamos a un vecín onde s’alcontraba’l Palaciu señorial de los del Riego y Tinéu de Tuña, nel barriu de Castañedo, como tuviéremos lleío:
- Allarribones, nel
Barreiru. Xubi conmigo al corredor de casa que dende ehí
vémoslu meyor. ¡Míralu!. Tirái hasta’l fondu la
cai y llueu a manzorga. Al cruciar la carretera yá lu veis enfrente. Hai que xubir un poco. Ta mui desfechu, ye una pena, pero les
perres nun dan pa too.
Pel camín vamos
camentando nos avantares d’esta familia. Los oríxenes de los
Riego y Tinéu de Tuña son llexendarios seique tienen los
raigaños nel principe Adelgaster - el fíu del Rei don Silo
(774-783) - casáu con doña Brunilda que fueren los promotores del
Monesteriu de la Oubona (cerca Tinéu) en 781. En 1026 el xuez don
García Garcíez de Tinéu reclamó los drechos familiares que-yos
correspondíen como descendientes del Infante. Ehí queda eso.
Esti palaciu del Barreiru ye’l
más grande del pueblu y tien una situación de privilexu dominando
tol valle del ríu Tuña.
La fachada sur tien dos torres
cuadraes siendo una d’elles guapamente baxomedieval con so arcu
d’entrada y les imprescindibles aspilleres defensives.
 |
| Palaciu del Barreiru. |
La fachada trasera tien otra
torre asemeyada y la oriental una galería afitada sobro una
columnata. El conxuntu zárrase al rodiu un patiu de caballerices.
Sobro’l portón d’entrada
un escudu amuesa les armes de los Peláez d’Arganda y Llano, Tinéu
y Valdés. El palaciu ye mayoritariamiente barrocu, del XVIII,
sacante la torre camentada y poco más que son baxomedievales. D’una
rama d’esta familia ñació’l xeneral Riego.
L’asientu del palaciu nun pue
tar en meyor sitiu, dominando tol valle del ríu Tuña, siendo’l
tarrén que lu arrodia de lo más granible, incluso n’actualidá
onde vemos la xente semar nes güertes; pero la impresión al averate
a elli ye de lo más ablayante, el palciu nun ye otro qu’una
cuadra, sí, una corte .... pal ganáu. Quel dommage!
********************
 |
| "El Bodegón" (- Yá lo veo too de colores...) |
Al llegar al núcleu'l pueblu llamonos
l’atención una pequeña y antigua construcción con dellos
cartelos esplicativos: <Bodegón de la Calle , 1762 >
¡Madre, de los tiempos del <Políticu>, del <Meyor alcalde
de Madrid>, del gran Rei Carlos III. : “Too pal pueblu
seique ensin el pueblu”.
Nel <Bodegón de la Calle>
presentóse en 2017, cola presencia los alcalde de Tinéu y Narcea y
del presidente de los Museos de los vinos d’España, el <
III Festival de los vinos de casa> col envís de
promocionar estos vinos artesanales del occidente asturianu (C.
Narcea, Tinéu, Salas, Allande y Belmonte Miranda) qu’ellaboren
unos trenta bodegueros. Chapeau.
Como tou bodegón que se
precie tenía les sos normes, unos “mandamientos” grabaos a la
puerte d’entrada, ehí los tenéis.
 |
| Los Mandamientos del vinu: <La llei del Bodegón> |
La “Guerra de los Siete
años (1756-1763)”, al llau de Francia y escontra l’afán
imperialista de Gran Bretaña. Terminó la cosa bastante fea pa nós
que perdimos la Florida y delles tierres del Golfu de Méxicu. Pudo
ser pior, salvamos L’Habana y Manila de milagru.
Los primeros años de vida
del <Bodegón de la Cai> coincidieren col <Motín
d’Esquilache (1766)> , un motín de corte que paga’l pueblu,
cuando la multitú arrodió’l Palaciu Real y l’ancestru’l nuesu
vecín, el I Conde Revillexixéu – Juan Francisco Güemes y
Horcasitas - refugó disparar escontra’l pueblu, famientu y
desarmáu. ¡Diez puntos, gallu!.
El motín terminó con
algunes ventaxes pal pueblu como la importación de trigu de Sicilia
que facía competencia a les reserves que clero y nobleza vendíen a
precios escomanaos cuando-ys convenía. Tamién consiguieron poder
formar parte del gobiernu de los conceyos con cargos obreníos por
sufraxu. ]]
********************
 |
| La Casa de la Pintora, TOP Rural |
. I. Un Apartamentu-Estudiu pa
dos persones, equipáu a la última y con parking, terraza y xardín.
. II. Lapartamentu superior de
cuatro habitaciones, 3 dobles ya una triple, con cocina-comedor,
bañu, chimenea, terraza y xardín con barbacoa amás de parking
priváu. Nin que dicir tien que nun falta de ná no que cinca a
inventos modernos incluyendo internet.
Que te gusta la pesca…
Tienes los ríos Tuña y el Narcea a tiru piedra. Si te presta caleyar… La
Fana Xenestaza y el Dolmen de Merillés son sitios que nun pues dexar
de visitar. Fasta ceo.
*********************************
 |
| La Casa Doña María, entrada. Torre de Campumanes. |
Dende la cai, por más vueltes
que damos, nun somos a tomar una semeya curiosa; tórguennoslo
l’altor de la muralla y el sol que nos vien al bellume. En
cualquier casu apreciamos una casona rural, una panera y sobre
manera un turruxón, lo que fuere la primitiva casa de los
Flórez-Valdés.
La torre, de planta
cuadra y tres pisos ye del XIV, talo les otres de Tuña, y ta mui
iguada. Les aspilleres convirtiérense en ventanes adintelaes con
marcu de piedra y les esquines caltienen los primitivos sillares
mentanto les fachaes tan revestíes y pintaes de blanco. La fachada
principal amuesa, argullosa, l’escudu d’armes de los Núñez de
Tuña, Quiñones, García y Fórez de Sierra. (El Maestru debía volvese llocu al pasar llista na clas, y que nun se-y olvidare un nome o apellíu....¡Santu!)
La casa tien na parte
trasera una abierta y al llau tán el payar y la panera; un exemplu
perfeutu de lo que ye una casona-palaciu rural asturianu. Conozse col
nome de Doña María porque María Arango Flórez, sobrina del
célebre políticu asturianu Álvaro Flórez d’Estrada*, foi una de
les propietaries de la mesma.
 |
| Palaciu de los Florez Estrada |
*[[Álvaro Flórez
d’Estrada, economista y lliberal: “ llibertá d’imprenta,
llibertá política, llibertá civil, llibertá d’aduanes, llibertá
de comerciu y llibertá d’espresión: ¡LLIBERTÁ!”.
Ñació na Pola de Somiedu
en 1765 y morrió nel palaciu de Miraflores de Noreña en 1853.
Estudió Humanidaes en Grao y Drechu na Universidá d’Uviéu. Pasó
tola vida exerciendo d’economista, como escritor y como políticu,
algamando a cargos políticos talo: Tesoreru del Reinu con Godoy,
procurador xeneral n’Asturies, diputáu en Cortes delles vegaes,
ministru d’Hacienda ( nun-y dio tiempu nin a tomar posesión por
mor de la llegada de los (Cien mil fíos de… ) y senador vitaliciu.
Tevo d’esiliase delles
veces en Londres o París por mor de los avantares de la política
siendo escorríu por Fernando VII como tantos lliberales.
Tien l’honor de ser el
primer cargu públicu que-y declara la guerra a Napoleón dende’l
so cargu de Procurador de la X. X. del P.A.). ]]
************************
Ta echándose la tarde encima
magar temos en primavera y entá queda ¿lo meyor?… Cuido que sí (
lo que falta siempres ye lo meyor) . Frente al palaciu
Flórez-Estrada tenemos otra casona-palaciu cabu del ríu:
El
Palaciu de Cabu del Ríu, del sieglu XVII, destaca pola so
grandiosidá y materiales emplegaos na son construcción de
mampostería, principalmente, pero con sillares en vanos, esquines y
fachada principal. Dos turruxones nos lladrales ya un cuerpu central
de dos pisos con corredor sofitaos por columnes toscanes de piedra,
que conformen una portalada, amuésennos la típica forma del
palaciu asturianu, pero d’altor. Vista la fachada principal dende
la Ponte de Carral da la impresión de ser rectangular pero ye de
planta cuadrada, tien un fondu impresionante.
 |
| Palaciu de Cabu del Ríu (Tuña) |
La fachada trasera, la que
primero vemos al entrar nel pueblu, ábrese con cinco balcones, atechaos por cucios
teyainos de tradición urbana que-y dan un carís bien señorial ( po si lo necesitare). Magar que los balcones tean fechaos nel XVIII sabemos qu’enantes había otru palaciu del XVI llevantáu polos Rodríguez
y Núñez de Tuña y qu'esbarrumbó por mor d'una riada procedente de la Fana
Xenestaza qu’arramplare con bona parte la fastera’l monte.
 |
| La célebre balconada del Palaciu de <Cabu del Ríu> |
Cabu del Ríu ye una ayalga,
la so construcción, la so monumentalidá, l’amiestu de bayura de
families nobiliaries, una condensación de lo que ye Tuña,
l’arquiteutura nobiliaria elevada a la “T” de Torre. Cuesta
salir d’ella si nun fuere qu’enfrente alcontramos otru iconu
d’esta ¿villa?:
 |
| La Ponte de Carral |
La Ponte de Carral salva’l Ríu Tuña (Xenestaza + Fraxeirúa) per aciu d’una llomba, un güeyu de piedra cantiao de mediu puntu que t’avera a la marxe izquierda onde s’alcuentra’l recintu ferial que cada 23 de Febreru celebra San Blas.
La
traza d’esta ponte llévanos a Roma. Los
oríxenes de la mesma son romanos magar tea reformada d’afechu. Per
ella pasaba tou’l oru que los
romanos
estraíen nel noroeste de
la provincia Tarraconensis* pa
llevalo a Astúrica
Augusta (Astorga), capital
del Conventus Asturum y que
xuncía ésta con Llugo
(Galicia), capital del Conventus Lucensis.
La lleenda cuenta que los cimientos guarden la pelleya d’un vaca
d’oru.
*
Hispania, de mano, taba
dividida en tres Provincies (Tarraconensis, Baetica y Lusitania) y
estes en Conventus. La Tarraconense
tenía 7 Conventus, tres d’ellos:Lucensis, Brácara y Asturum
terminaron formando una provincia, Gallaecia.
 |
| Reproducción del Ara |
Por
mor d’ello na muria tornamieos de la ponte colocóse nel 2000,
aprovechando la entrega del premiu al Pueblu más guapu del añu, la
reproducción
d’un
ara que s’alcontrare nel
palaciu de los Tuña, nel Barreiru. Son unos Lares Viales*, un ex
votu dedicáu por <Sempronio
Casio a les divinidaes proteutores de los caminos>; vamos, algo
fecho adréi pa nosotros que vamos dica
Lucus Augusti por mor del
Camín Xacobéu. En 2008 la
Cronista Oficial d’Uviéu, Dª Carme Ruiz Tielve descubrió otra
reproducción d’esti Ara del Sieglu II d.X. n’honor de los Lares
Vialibus
*
L’Ara orixinal pues
vela na Casa Cultura del pueblu de Tuña.
************************************
************************************
 |
| La flor y ñata de la Lliteratura asturiana. Escritores del Segundu Surdimientu. ( Antón nel mediu la tercera fila) |
Atrás quedaren los grandes, valientes, rompedores - incunables, diría yo - del Primer Surdimientu: Xuan Xosé Sánchez Vicente, García-Arias, Manuel Asur, Andrés Solar, V. García Oliva, Solís Santos, Carlos Rubiera o Teresa González, entre otros.
Angüaño tamos ya no que se vien a considerar el Post-Surdimientu onde amueses escritores de la talla de Pablo Rguez Medina, Pablo Texón (recién nomáu Académicu), Pablo M. Testa, Vanessa Gutiérrez, Quique Faes, Nel Morán, Ignaciu Varillas, Sofía Castañón, Paco Álvarez o'l supertraductor Pablo Suárez García.
. Poemarios como: "Estoiru" o "Una mirada aliella".
. Cuentos talo: "El Pelegrín valiente" (tres d'esti collaciu entamé yo la mio vida pelegrín, y yá nun soi a parar). Tien un estudiu fechu sobre los "Cuentos asturianos".
. Noveles (ye lo que más me presta) talo: " El viaxe", " Díes de muncho" o la cabera "Crónica de la lluz y la solombra" (que tien de danos más xuegu por tratar d'un fechu acaecíu nel conceyu que tamos restolando). Nelles subrayo y alpunto bayura de pallabres y xiros qu'arriquecen el mio cativu vocabulariu. Gracies, mayestru.
Como curiosidá una anéudota que me pasó un día en clas de poesía con Almuzara. Taba yo entrenándome a fer tornes en "Por partida doble" (José L. García Martín en Trabe) que pa min ye "Por partida triple" seique intento alcontrar una torna al deslláu, a ver les qu'acierto, yá m'entiendes.... Lo de la "ferruñenta furgoneta" de BRANOS d'Almuzara llegóme al alma, por eso voi copiar la torna d'Antón como homenax a dambos poetes:
 |
| < Pela Ponte de Carral xueguen los neños cuartanos, xugaron Riego y Antón sobre tou, naquellos BRANOS > |
< La lluz esfaragüeyao de l'arena La luz desmenuzada de l'arena
qu'allumara la edá de los castiellos que iluminó la edad de los castillos.
Los montes temerarios. Los montes temerarios.
Nicanor, qu'ainda vivía Nicanor, que aún vivía
ensin miéu al puñazu de la muerte sin miedo al puñetazo de la muerte
y nun esperaba'l lentu y no esperaba el lento
velenu qu'esperaba so futuru. veneno que esperaba su futuro.
La testerona y torturada La testaruda y torturada
tos de la ferruñenta furgoneta. tos de su achatarrada furgoneta.
Sonia nel llaberintu londinense Sonia en el laberinto londinense
que güei me vuelve cercar, nel qu'entré que hoy me vuelve a cercar, en el que he entrado
-esta vez solu- pela puerta falsa - esta vez solo- por la puerta falsa
de la señaldá, de la nostalgia,
y que solo ye otra cosa y que no es más que otra
galería d'esi otru llaberintu galería de ese otro laberinto
onde busco esnortiáu donde busco perdido
un aldu que nun tope la salida. un rumbo que no encuentre la salida.
Aquella vez que fiximos una fiesta, Aquella vez que hicimos una fiesta,
pero nun les besamos pero no las besamos
al final, al final,
y la fiesta y la fiesta
fueron díes que falamos de la fiesta. fueron días que hablamos de la fiesta.
Daquella yéremos Entonces éramos
felices y ridículos, felices y ridículos,
agora ahora
yá nun somos felices. ya no somos felices.
Nesta enturbiada En esta turbia
tarde de xulio tarde de julio
tan solo'l sol rescampla d'otros branos. >> tan sólo brilla el sol de otros veranos. >>
 |
| <Una mirada aliella> |
RESUME de lo visto en TUÑA:
1.
Casa
de la Torre
2. Plaza Riego: Ilesia, Casa
Pipo, escultura.
3. La Chamborra
4.
Ca Pepón. Casa
Torre der Cienfuegos.
5. Palaciu’l Barreiru
6.
El Bodegón de la Calle. 1762
¿Qué pasaba nesa
España?
7. Top Rural “La pintora”
8.
Ca María. Florez
Valdés. Torre Campumanes. Florez Estrada.
9.
Cabu
del Ríu. Palaciu,
10.
Ponte
romana del
Carral,
Lares Viales.
11.
El Xeneral Riego.
12. Antón García.
. A Don Senén González
Ramírez, autor de <Tineo: Palacios, casonas, heráldica y cotos
señoriales del concejo>, llibru que curiamos con tol procuru ya
onde nos perdemos davezu na viesca xenealóxica de les cases de Tuña.
. Al blog <dendecaguelu>
, perbién documentáu, de Luis Javier del Valle Vega, al que yá
recurrimos en delles ocasiones, esta vegada al rodiu Tuña.
.
Wikipedia, Asturnatura, <asturgenhernob.blogspot.com> y <www.euskalnet.net>,
.
A Neto, pol so llibru <Los
nuesos paisanos> del que copiamos un
día sí ya otru tamién.
. A Antón García por tar ehí, tan a propósitu.
. A Antón García por tar ehí, tan a propósitu.
