<¡Pasu a la Reina!>
 |
| - ¡A ver si espabiles, fatu! |
quiero averame hasta'l cielu
y na ilesia Villanueva
contemplar el rexu BESU >>
¡Qué día tan guapu!. Y qué gran día. Nun vamos solos, somos una triba... Yá los diréis viendo...
Por fin paez que podemos presumir de Primavera. Son estos díes que se presten pa too: pa xubir al monte, pa trabayar na güerta, pa lleer daqué historia o hasta pa dir a la playa... Pero nós preferimos andoliar
< Camín de la Reina >.
Sí, lo que oyes, vamos facer un tramu del Camín de Cuadonga acompañaos - meyor, acompañando - pola Reina d'España. De Doña Leticia non, home; de la Reina Isabel II de Borbón [1830-1904] , la fía d'aquel "que del so nome prefiero escaeceme". Yá sabes que d'esta Reina fálase bastante mal pero estes coses ye meyor comprobales, asina qu'aprovechando que Sabel vien visitar Cuadonga - ¡un detalle ! - vamos face-y los honores y, de pasu, camuflaos na so comitiva, enteranos un poco de lo que pasare durante'l so reináu, ente 1843 y ¿1904?....
Pela nuesa parte llegamos a LLames a eso de .... Viniéremos de Xixón hasta La Villa y tomando la carretera de L'Infiestu (N-634) llegamos a Sotu Dueñes per Villamayor y Sebares. Un paseín pela PR-3 déxanos en Llames de Parres, delantre La Venta, onde aparcamos. Nesa mesma plazoleta tán el Parque, la Escuela y el Bar.....
 |
| Cargando piles na Venta, talo que fizo la Reina. |
La Venta ye una casona albergue con una pinta medieval que nun se llambe, güel a historia... Los que más usu fain d'ella anguaño son los pelegrinos del Camín de Cuadonga pero tamién xente de cualisquier triba que-y busca tranquilidá o tolo contrario. Pue ser una <cabeza de puente> pa conocer una zona peramplia cerca de Cangues, Cuadonga, L'Infiestu, Ribesella o'l Sueve... Nós tenemos la suerte de llegar nel momentu qu'un grupín de romeros mozos s'empobinen camín de La Deva (Cuadonga) pa completar el segundu ya últimu tramu en que lo dividieren.
- ¡Bon viax, chavalinos!.
Paramos tomar un cafetín nel bar de la mesma Venta:
- Per selmana'l Bar ta peslláu, namás funciona l'Albergue.
- Esta casona ye mui antigua, ¿eh?. Asemeya una venta medieval.
- Polo menos. N'otru tiempu foi posada y posta.
- Tien tola pinta, polos espacios y dependencias que l'arrodien. Y si tenemos en cuenta que per equí cerca pasaba una calzada romana...
- Hasta'l mesmu don Pelayo dicen que pasó per equí camín del Monte Auseva fuxendo de Munuza.
- Viniendo de Brez (Brece) y tirando al monte ye lo más fácil que pasare per equí.
- Y yá que vos gusta la historia ¿sabéis qu'esti yera un camín trasegáu polos pelegrinos xacobeos de magar se descubriere la tumba del Apóstol en Compostela nel añu 813?
- ¿Xacobeos?... Los del Camín Primitivu tiraben d'Uviéu pa Grao, ¿pa qué diben dar la vuelta?
- ¡H.a, h.a!... Nun me refiero a los romeros asturianos seique a los foriatos.
- Claro, los que veníen de Francia ya Europa o inclusive los del sur solíen visitar San Salvador d'Uviéu por aquello de...
 |
| Al pasu la Reina |
ensin pasar pel Salvador
visita al criáu
seique escaez el Señor>".
- Pero de los primeros pelegrinos que caleyaren per estí camín, o cerquina, foron los que veníen de Santu Toribiu de Llébana.
- Claro, los reis d'Asturies como Aurelio, Silo (Adosinda) , Mauregato y Alfonso'l Castu tuvieren muncha rellación col Beatu y, por supuesto, col Monesteriu de Llébana.
- Sí, veníen de Santu Toribiu a Uviéu pasando pasando per Cuadonga; lluéu'l que tenía fuercies diba pel Primitivu hasta Compostela.
- ¿Qué camín siguíen dende Llébana?
- De xuru que l'aviesu les güestes d'Alkama na retirada tres la Batalla Cuadonga: < Llébana, Sotres, Poncebos, LLagos Cuadonga, Cuevona, C. Onís, La Matosa ( pa esti tramu pasaben cerca d'equí: Vega los Caseros, Romiyu, Sotu Dueñes), Espinaréu, Puente Miera, Nava ya Uviéu>. En fin, estes son les cuentes que nos echamos....
- Esto que-y digo.... Tengo sentío falar que la hermana mayor de Xovellanos viviere nesti pueblu por mor del so matrimoniu con Xuan A. López, un vieyacu ,¡qué digo!, un mozu (60) entráu n'años y en perres...
 |
| Doña Xosefa de Xovellanos, gran asuturianista, hermana de Xuana Xacinta, la parraguesa. |
- Sí, ho; un apañu familiar al estilu de la dómina. Nun ye d'estrañar que'l señor López se namorare d'ella. X.X. yera mui salada: perguapa, candial, ocurrente y sobremanera simpática; quedábase con tou aquel que s'averaba a ella... Tantu enfotu punxo'l chavalín que dexó a Xuana Xacinta viuda-rica-moza pero al añu, tenía ella 31 (¡pa comela!), tornó casase con un probe, masque mozu, qu'ella mesma escoyó.
- Otra nun me la dais con quesu.
Nun-y duró muncho, seis años; nun foi sobrevir al tercer partu.
- Dende Lluéu esti Llames ye ricu n'histories....
- Y que lo digas, ¿yá vos cuntaríen la de la ilesia d'Escoto?. Acabáis de pasala.
- Sí, yá conocemos daqué al rodiu'l monesteriu Samartín de Dueñes y les piedres que sirvieren pa facer esta capiella.
- En fin, nun me molestáis nada, pero si siguís charra que te charra nun llegáis esti añu a Cuadonga.
- Bueno, esti añu igual sí, pero sepa que'l primer tramu yá lu ficimos nel 2015...
- ¡H.a, h.a, h.a....! Tenéis el record, seguro.
 |
| < Tengo dir a Cuadonga cola mio neña en Setiembre, tengo lleva-y a la Virxe un ramín de palma verde > |
- ¿Podemos aparcar ehí delantre?
- Nel mesmu sitiu onde aparcaben los caballos de la posta; onde los cambió la mesmísima Reina.
- ¡Claro, la Reina Isabel II!, vamos dir pel Camín de la Reina. ¿Pue dicinos los finxos d'esta ruta?
- Sí, ho. Agora baxáis a Viabañu onde pasaréis la ilesia ya un molín. Lluéu tiráis pal Romiyu. Nel cruce Vallobil coyéis a manzorga y, tres cruciar un ponticu, empobináis cuestarriba hasta'l Romiyín pasando per delantre la capiella San Xosé. Embredando una prestosa pista metanes la viesca llegáis a la Vega los Caseros y yá tais en Villanueva. A Cangues aportáis nun visveo; meyor pela oriella'l Sella, más sele y prestoso.
- Ta la vista, señora; gracies pola clas d'historia.
 |
| Aportando a Santa María de Viabañu. ¿En busca los archivos perdíos? |
Ensiguida acolumbramos el blancu de la ilesia parroquial. Ye perconocida pero a simple vista nun me llama munchu l'atención magar sía enforma grande, falta-y vetustez. Ye del sieglu XIII y foi mui reformada en 2014 pero tien raigaños prerrománicos pos yá se menciona en tiempos Ramiro II, siendo infante (926), por mor d'una donación a San Salvador d'Uviéu, claro:
<In Biabanno eclesiam Sante Marie>
En 1385 nel Becerru de la catedral lleemos:
< Santa María de Viavanno ha de manso (llibre d'impuestos) 4 díes de bués>. Bueno, de los diezmos nun se llibraba nin dios.
En 1968 el cardenal Tarancón tevo en Viabañu y crució'l Riu Beleñu* en barca cuando los archivos perdíos de la parroquia Viabañu apaecieron - milagroso, claro - nuna llibrería Xixón:
 |
| Tarancón en plan Colón cruciando'l ríu Priaes. Esti paisanu teníalos bien puestos. (Semeya: blog Aytu. Parres) |
- <Per onde crucia Pelayo
tamién crucia Tarancón,
que nun digan per Asturies
que la ilesia amilanó;
pa nalar contracorriente
nun hai utru como yo.
Beleneses,
apórtovos los archivos
qu'aprucieron en Xixón
magar que pa ello tenga
fer de Cristobal Colón>
*[Belenos yera un dios celta rellacionáu col SOL, talo que Llugh, seique más rellacionáu col rellumu que col fuéu. Tenía una collacia nomada Belona. Hai dellos topónimos col nome deriváu d'esti dios: Beleño, Beleña, Belonciu, ... La fiesta de La Beltain, mayu, celebra'l trunfu del sol sobro les tiniebles y vien a coincidir col nuesu solsticiu de branu.]
[La parroquia de Viabañu (18 km/2 pa unos 400 habitantes), que pertenez al conceyu de Parres, ta conformada por siete publinos: Llames, Arobes, Carriu, Granda, Ozanes, Romiyu y Tospe. Otramiente Parres (126 km2)abarca 17 parroquies; por delles pasamos camín de la Cuevona: San Xuan, Sorribes, Viabañu y Villanueva].
 |
| Cruciando: Ca del Molín sobro'l Puente Viabañu. |
Agora toca caleyar per una carretera asfalcada, la Pista la Viesca, A manzorga sientes el ríu y a mandrecha acolumbramos un pueblu grande, Aroles. Dexamos la xeneral pa metenos per un senderu a la ribera'l Piloña per onde hebo de pasar la Reina. Vamos entrar na zona d'El Golondrón, la de los cotos trucheros. Nós tenemos más suerte qu'ella, alcontramos el camín tresnáu y nun fai falta que los llugareños s'spuren a podar matos pa dexar el pasu francu a la comitiva. Tamién cuenten que los vecinos afeutaos poles igües del camín llegaron a cobrar unes perres asina como los qu'apurrieron vaques o gües p'aidar a xubir les cuestes de Llames. Dellos, los que quedaren de retén, nun vieron rial, arriendes d'ello ficieron una manifestación al ayuntamientu reclamando los trastornos y les hores echaes. ¡ Ansí se fai!.
 |
| Caminando en santa inocencia pel Camín de la Reina: < Llames, Viabañu, Romiyu, Romiyín, Vega los Caseros, Villanueva, Cangues... Cuadonga > |
 |
| El Cuélebre da un sustu a la Reina: - ¡Espartero, qué ye ésto! |
- Ye'l Cuélebre, Maxestá;
ta curiando del camín
pa que nun mos pase ná.
- Ponte a rezar Xuan Antoniu*
qu'a min eso paezme'l demoniu.
* (X.A.Mª Claret, confesor real)
La viesca mista de carbayos, castaños o bidules; la viesca de ribera con pláganos, salgueros o álamos y el bosque frescu de fresnos y ablanos s'entemez nun abanicu de colores illuminaos por Belenos que tresporten per esti país máxicu dica la capital del Reinu.
- La Reina paez clisada; nunca nun contemplare naturaleza tala.
 |
| Primavera nel Romiyu. |
 |
| Baxando pal Carrizal, val de Mampodre. |
Baxamos pal valle onde cuerre'l Ríu Romiyón que vien de Mampodre y al llegar a un cruce torcemos a mandrecha pa entrar na parroquia de San Pedru de Villanueva, qu'en parte pertenez a Parres ya otra a Cangues. Ensiguida garramos altura y tres una revuelta entramos nel Romiyín. Salimos del asfaltu la xeneral pa entrar nun senderu a manzorga.
 |
| Nel Romiyín: Casona, capiella S.Xosé y la Escuela |
D'esta miente aportamos delantre la Capiella de San Xosé d'Arenes (XVIII), al par de les antigües escueles. Al traviés de la verxa pues contemplar les imáxenes de los santos. Bordiamos la capiella y baxamos per La Calzada hasta dar cola H.uente'l Berlotu, onde hai un depósitu d'agua.
Caminando a la solombra l'arbolí y presintiendo yá'l gran ríu llegamos a Los Coros ande vamos a esfrutar d'un andrópicu paisax: La Vega los Caseros, El Prestín coles sos casones d'indianos y el ríu, el Ríu Sella bañando la capital del Reinu: ¡Cangues!.
 |
| Aportando a la Vega los Caseros: Villanueva, Cangues detrás y Picos d'Europa al fondu. |
Vega Los Caseros - la llende ente Parres y Cangues - ye una vega que'l so topónimu fai alcordanza de los caseros qu'antaño curiaben les granibles tierres del Monesteriu de Villanueva, un círculu d'unos 4 ó 5 km alredor del Ríu Sella. A primeros del XVII, en tiempos de Felipe II, el cronista real Frai Prudencio de Sandoval alcontró un manuscritu del 746 - ¡qué suerte tuvisti, lladrón! - per aciu d'una donación d'Alfonso I, (tercer rei de les Asturies) ande esplica "CxB" les tierres que taben embaxo la xuridición del monesteriu, lo que yera l'abadengu.
Una gozada pa nós según baxamos pel cuestibayu al monesteriu. Ye imposible sustraese al encantu del paisax: la viesca que nos arrodía entá, los semaos de la vega, los meandros del Sella, el pueblín y , sobremanera, el monesteriu. A la Reina pasó-y lo mesmo. Yá tenía noticies d'elli y de los capiteles del pórticu la ilesia:
- Quiero gusmiar nos capiteles d'esa ilesia.
 |
| Ferregüeyando'l Monesteriu de Villanueva |
Cruciamos la ponte sobro'l Sella pa dir golifar el monesteriu; nós tamién queremos caciplar los capiteles. Dende la ponte contemplamos dellos pescadores faenando cerca de la ponte antigua, más averada al pueblu. L'antiguu monesteriu ta reconvertíu nun Parador Nacional de munchu prestixu, seique los precios sían prohibitivos pa un currante, magar nun sía por un caprichu históricu, que tampoco ha dexase pa práu. N'antoxana'l parador un horru danos la bienllegada. A madrecha ta'l Bar que ye l'estragal del pueblu. Pero nosotros atendemos al llamáu de les campanes de la torre la ilesia que controla una esplana pergrande a la que s'accede al traviés de un arcu de mediu puntu ya onde tamién s'alcuentra l'edificiu ampliación del monesteriu-parador. Quedó bien guapo.
 |
| Clisaos énte'l Monesteriu San Pedru de Villanueva ¿Qué pasa, nun vos atrevéis a entrar? Claro, ye talu'l pesu la hestoria... Pero... ¿¡vais perdevos esos capiteles!? |
. Xente rico como Pedro Díaz de Nava o Rodrigo Álvarez de les Asturies apurrieren importantes donativos pa que siguiere rodando.
. Siempre tevo al amparu de la mitra uvieina pero nel XVI pasó a depender de los benitos de Valladolid (¡yá te digo!); l'intentu d'anexón al de Celoriu nun prosperó pola farda de Carlos I.
 |
| Parte nueva del Parador Nacional |
. En 1775 múdase'l teyáu de madera por una bóveda de piedra y tamién se llevanta'l coru.
. En 1801 esmuzse de milagru a quedar convertíu nuna fábrica de chapa pero en 1808 nun lu llibra nin la Caridá y los franceses tomen posesión del mesmu tres asesinar felonamente al legu (¡cabrones!) que nun quixo abandonar so casa fiando na so inocente vieyera.
. En 1907 ye declaráu Monumentu Nacional pero darréu sufre un abandonu cuasi total hasta que en 1964 tien unes igües importantes.
. Cuando en 1996 pretenden ampliar el parador nel llamáu Güertu'l Cura, onde cuiden s'alcontraben los cimientos de la basílica (3 naves) primixenia, Manzanares y De la Peña "armen la de Dios es Cristo" y consiguen un plan más afayaizu. Quedó finiquitáu na primavera del 98.
 |
| La torre-campanariu- adriu y el triple ábside circular |
 |
| - ¡A ver si espabiles, fatu! Esto ye lo que-y espetó la Reina Isabel al so maríu al comtemplar el BESU. (Tamién pudiere tene-ylo dicho Froiliuba al so maríu Favila pero nun la escuchó, cayó na trampa del ¿osu?). |
quiero averame hasta'l cielu,
quiero ver en Villanueva
eso que llamen "El BESU".
Fuimos la Reina y yo
a la ilesia'l monesteriu
y al contemplar tala ayalga
clamió miagando al avernu:
- Yo quiero ser Froiluba
p' aplicar esti torniellu.
. Munchu cuidáu, Maxestá,
que tamos en santu suelu.
- Yo soi la Reina d'España
la que casaren "a güevu"
seique cambio la Corona
por, de Favila, un BESU.
Y mirando pal consorte
per de llau, al aviesu,
espéta-y con tola goña:
- Aprendi, ¡por Dios!, osu beyu .
Yá cerquina Cuadonga
toma nota'l madrileñu*
y el sangre de Favila
va prender talo un inxertu;
dellos fíos tuvo'l Rei
magar el so pruyimientu.
Cuando media la Santina
la torga, santu remediu >>
* El Rei consorte Francisco d'Asís nació n'Aranxuez en 1822.
La Portada Sur ye daqué plasmante (nun dexes de visitala) por mor de los sos capiteles y gracies a ellos algamó a Monumentu Nacional. La torre-campanariu sobre cuatro arcos de mediu puntu soportaos por columnes y capiteles historiaos en piedra son de lo más VIP del románicu asturianu:
. El Besu , La Despidida del Caballeru, La Muyer esperando (¿Froiluba?) o la Escena de cetrería cuido fain referencia al aquel día aciar en que Favila salió a cazar y yá nun tornó enxamás. Tamién hai otros dos con referencies al Cuélebre y al Ferre.
. A mandrecha hai tres capiteles con motivos vexetales.
 |
| Portada Sur, románica. < Si equí nun te ñamores namás queda la Santina, mas caltengo la esperanza nesta portada bendita>. - Toi esperando por ti. |
Les capielles absidiales tamién tán comunicaes por dos arcos de mediu puntu con capiteles decoraos: el cuélebre y el guerreru, la caza'l xabaril, el monu comiendo uves o'l guerreru dandy... Les tres bóvedes lleven pintures dieciochesques.
Hai una pequeña sacristía, que comunica cola ilesia per una puertuca mediupuntu, que cuiden pudo ser el primixeniu Panteón Real, el d'Alfonso Pérez.
El claustru renacentista, al que pues acceder pola ilesia al traviés d'una portada capitelada, caltién un patiu axardináu y dellos arcos del románicu primitivu.
La torre de la badía ye de finales, finales, del XVII y sustituyó a la romanica del XII que taba enfrente, na cara note. Al sur ta más vistosa y soleyera, munchu meyor p'amosar los soberanos capiteles y portada. Consta de tres pisos: el baxu, que fai d'adriu la ilesia, sofitáu por unos pilares persólidos y con dos abertures al esterior ya otra que fai de portada la ileisa. Enriba un pisu escuru - namás tien una saeteruca de nada, que da pasu al claustru superior. Y el terceru fai de campanariu con abertures a les cuatro cares. Ye un turruxón mui llamatible.
La Pila Bautismal, una ayalga románica, ta lluciendo nel Muséu Arqueolóxicu.
 |
| Portada barroca, entrada al Claustru. |
Bueno, son cerca les dos de la tarde y entá hai qu'algamar a la emoción de la capital. Nun va ser fácil, el Besu de Froiluba dexónos ablucaos pero col rixu mui altu.... Y ansí vamos colar de Villanueva tres una vueltuca pel pueblu.
¿Per ónde siguimos?... ¿Carretera xeneral pel Prestín p'arribar delantre la Ponte Romana o pela Sienda Peatonal, a la vereda del Ríu, acompañaos por caminantes, fondistes, pescadores y el trinar de los páxaros en primavera?... Los dos caminos conducen a Roma, casi al mesmu sitiu. Embredamos pel camín bucólicu de la viesca de ribera - L'Alisera, y llamen - embaxo l'arrecendor del xabú y al frescor d'humeros, carbayos, pláganos, salgueros, fresnos, ablanos, castañales.... y contemplando'l trepe los pescadores batiéndose cola corriente . Son dos kilómetros de sol y sombra camentando na Historia decimonónica, Sabel II, o la de los primeros tiempos de la Reconquista: Pelayo, Favila, Froiluba, Alfonso'l Católicu... Y tamién na celebérrima Feria de Corao, pos ye esti'l camín qu'a ella lleva dende Les Arriondes.
 |
| La meceura Güeña - Piloña Aportando al Contranquil. |
- Pero allégrate, ho. Tas na <<Minima urbium seique na Maxima sedium>>
- Vamos, pequeñina pero galana. La cucia ciudá gran capital d'un reinu, como reza nel so escudu.
Tando nel barriu d'El Contranquil nun queda otro que visitar la ilesia de la Santa Cruz, asina que vamos caminando per esa Vega ente'l Ríu Güeña y el Monte LLueves hasta dar con Ca Fermín, posada mítica pa los pelegrinos de Cuadonga.
 |
| Capiella de La Santa Cruz nel Contranquil, un llugar máxicu dende muncho antes de Favila. |
Nun yera un sitiu cualquiera'l Contranquil, yera una llugar míticu, máxicu y relixosu onde yá esistía un dolmen. Sí, la primitiva ilesina de Favila taba asitiada nun montículu porque embaxo había un dolme con más de 3000 años d'antigüedá que cuando fuere estudiáu l'enterramientu alcontráronse, amás de les cinco llábanes que lu conformaben, dellos utensilios y armes de piedra y bronce.
Pero entá hai más, pos sábese qu'hacia l'añu 437, nos primeros años de la evanxelización y siendo obispu Asterio, alzóse sobre'l dolme una capiellina cristiana; Favila nun fexo otro que siguir la tradición.
L'actual capiella de La Santa Cruz ye mui moderna, foi llevantada tres el desaniciu de la Guerra Civil por Lluis Menéndez Pidal (1950) según los cánones barrocos d'otres ilesines asturianes d'esa dómina.
Pel mediu tán les cites de viaxeros y cronistes dende'l XVI, los estudios de M. Asas "Guía de las Hadas" en 1857, les escavaciones de Xuan M. de la Rada y Delgado, les posteriores (1891) del Conde de la Vega'l Sella que repitió en 1915 con Xuan Cabré pa descubrir los grabaos na cámara, el desaniciu total de la ilesia - dexando'l dolme albentestate ( como diz Xurde) - en 1938 por mor de la Guerra Civil, los nuevos descubrimientos de Jordá Cerdá en 1963, los estudios de De Blas en 1979 y los más modernos del estudiosu la monarquía asturiana Francisco J. Borge Cordovilla (Mirabiliaovetensia).
 |
| El PUENTÓN . L'iconu de Cangues d'Onís. El Puente romanu xunce Cangues con Parres, yel nexu de la capital con tolos pueblos del Reinu de les Asturies. << MINIMA URBIUM, MAXIMA SEDIUM >> |
Si hai un llugar que define Cangues, un símbolu que la identifica, un iconu... esi ye'l Puentón, la ponte medieval que s'aprovechó d'otra romana yá esistente. Y allá nos empobinamos pa finar esi post magar dediquemos otru completu a esta villa pela que da gustu andar siempres acorropinada de xente, viaxeros del tiempu.
 |
| << Tán Felices nel Puentón, tán na Capital del Reinu. tán nes Cangues d'Onís onde too ye un embelesu. Queda poco p'algamar a la META: Cuadonga y charrar cola Santina como si tal ye la cosa. Nun vamos a pidi-y nada ella sabe a ciencia cierta tou esto que nos pasa, pero si echa un gabitu... Bendita sía, mio alma >>. |
L'actual Ponte tien 3 güeyos, si bien de mano tenía siete, siendo l'arcu central munchu más grandón, oxival y peraltau y del que colinga una Cruz de la Victoria en referencia a la Batalla de Cuadonga, la que según dellos nunca nun ocurrió (¡!), h.a, h.a. La cruz colocárase en 1939 coincidiendo cola vuelta a casa del exiliu francés (ye republicana)* de la Virxe de Cuadonga.
El Puentón pasó por munchos avantares. Del primitivu romanu nun queden que les referencias y en 1876 tien una igua importante como refleya una llápida nel vértice del arcu toral y tamién en 1940 y 43. A finales del XIX construyóse'l Puente Nuevu pos yá quedaba obsoletu pal tráficu de la dómina.]]
* La Sidra y la Santina nun se toquen, nun son de dereches nin d'izquierdes, son Padremoñu Nacional del Principáu d'Asturies. AMÉN.
<
Una REINA en Cuadonga >
 |
| ¡¡¡ Arre, vamos pa Cuadonga !!! La Familia Real camín de Cuadonga: Sabel II y Francisco de Asís na berlina. El caballu d'Espartero montáu por Sidrón con O'Donnell al timón. Fonsi, el futuru Alfonso XII, nel trubiecu. (La neña, Luisa Fernanda, va nel kart con Sidrín) |
Per aquel entós
venía de ñacer Fonsín (8 meses), el futuru Alfonso XII [1857 (1874- 885)] y
la España agrícola entamaba recuperar de la cris del 54 per aciu
d’una biltante industria onde’l carbón d’Asturies yera un
finxu perimportante; la mesma familia real tenía aiciones n’ello y
había que atendelo.
El xeneral
O’Donnel, d’aquella recién nomáu presidente de Gobiernu
(terminaba’l “Bieniu progresista”), encamentó a la Reina fer
un viax propagandísticu per provincies p’averar la monarquía al
pueblu (so padre dexare la Monarquía fecha una gocha). ¿Qué meyor
que visitar la cuna de la mesma precisamente col trubiecu del futuru
rei?. ¿Qué meyor que confirmar un rei ellí onde entamare too, na
Cuevona de Cuadonga?…
Dicho y
fecho, la Reina aprovecha’l branu del 58 pa dase un “bañu de
multitúes” nel pozu la Cuevona de pasu que trataba l’herpes na
playa’l Pandu, cuando non en San Llorienzu. La Monarquía punxo de
moda los baños marinos, cosa que-y agradeceremos de por vida.
 |
| Ferrocarril de LLangreo ( Lit. Pérez Villamil) |
Nun yeren namái los
baños lo que la reina buscaba seique mirar poles inversiones
familiares na biltante industria asturiana. El so padrastu – el
duque de Riánsares – yera aicionista del ferrocarril de Llangréu
(la primera locomotora nomóse Maria Cristina, por so madre,) y ella
mesma tenía’l güeyu puestu na mina carbón d’Arnáu.
El 21 de
Xunetu de 1858, nun coche percómudu de cuatro caballos – regalu
del rei de Francia, que nun daba nada de baldre-, la Reina emprimó de Madrid camín de la Cuna
d’España col trubiecu embaxo’l brazu, la infanta Isabel de la
mano y arreando con una pata al consorte Francisco d’Asís . El
primer día anocharen en Villacastín. Dos díes más tarde taben en
Valladolid y tres pasar per Medina de Riosecu y Lleón xubieron el
puertu Payares y plantaron en Mieres, ande anuecharen, agospiando nel
palaciu del Marqués de Campusagráu (nun sedría la cabera vez). Na
capital de les comunicaciones la reina visitó Fábrica Mieres, per
aquel entós controlada pol grupu del so padrastu, el marqués de
Riánsares.
Algamaron a
Uviéu la tarde del 31 (diez díes Madrid-Uviéu) tres xubir el
Padrún, baxar a Olloniegu y xubir la Manzaneda . Entró na capital
per San Llázaru y foi recibida como una reina por toles autoridaes
provinciales y nacionales asina como aclamada por un pueblu xenerosu
y agradecíu (¡Cuántu-y tuviere prestao al obispu Pelayo tar ehí!
¡La Reina n’Uviéu! ¡Colo qu’él trepó cola so reina Urraca!.
De xuru que-y tuviere pestao a esgaya confesar al confesor real
Antonio M.ª Claret y a la inquietante confidente Sor Patricia). Lo
primero que fixo foi visitar la Catedral al sentir del “Te Deum”
talo que la so tocaya Sabel
la Católica cuando foi coronada en San
Miguel (Segovia). Dende’l
balcón de Campusagráu
ofreció los guajes al pueblu y la ciudá
d’Alfonso’l Castu
resplandió
esa nueche embaxo
una lluvia de fueos
artificiales, presaxu
d’un viax inolvidable,
qu’ella festexó
dende Prado Picón.
 |
| Cualisquier mediu ye bonu p'algamar a Cuadonga. |
 |
| Enantes d'agospiar nel Palaciu Campusagráu ¿por qué nun tomar unos culinos de sidra? |
El
2 d’Agostu paséu folklóricu pela ciudá, dende Santa Clara
(edificiu Facienda)
hasta’l Bombé (Parque San Francisco) pasando
pela Universidá (de xuru qu’en Rialto la brindaron con unos
carbayones).
El día 3 visita la fábrica de Trubia onde ye recibida embaxo un
arcu de cañones; el de mayor calibre llevará’l nome d’Alfonso y
ella mesma coloca la primer piedra d’un taller que’ha de forxar
fierro duce ya aceru.
El
día 4 llacuada y teatru enantes de colar pa Xixón la tarde del 5
d’Agostu. Tres selmanes tuvo la Reina en Xixón tomando baños de
sol, de mar y de pueblu. En
San Llorienzu y nel Pandu yá había casetes de bañu, los balnearios
vinieren nel 74 y fueron
usaos por Alfonso
XII nel 77.
La
célebre Reina nunca nun escaeció’l recibimientu que-y ficieren
los diez mil habitantes de Xixón acorropinaos embaxo un arcu de
trunfu na
cai Corrida.
Si
en
Mieres ya Uviéu
agospiare en
dos talos palacios
en Xixón nun díbemos ser menos y abellugámosla en
Sanestébanu,
nel mesmísimu Palaciu del Conde Revillaxixéu y Marqués de San
Esteban del
Mar,
Grande d’España, enfrente
la playa’l Pandu.
Los Condes, Don Álvaro y Doña Manuela, taben como unes castañueles. Viéndola tan contenta los políticos llocales
aprovecharen pa ponela al oru no que cinca a les necesidaes
municipales, como yera la ampliación del Puertu. Lluéu vinieren les
hosties
ente los “apagadoristes”*, que preferíen iguar el que había, y
los “muselistes”, que yeren
partidarios
d’unu
nuevu nel Musel. Yá sabéis quien ganó: Xixón.
 |
| La sablera del Pandu al par del Cai. |
 |
| San Llorienzu n'aquella dómina (XIX) ( Meyor bañase nel Pandu,¿ eh?) |
*Por cierto, los condes de Revillaxixéu yeren muselistes , pa min con más visión de futuru, magar hai quien dicía que nun-y pruyía un res que'l carbón-y emporcase'l palaciu.... Hailos con mal aquel...
 |
| Doña Sabel na mina Arnáu (Propiedá d'Iván López, arqueólogu) |
Nun
perdió’l
tiempu la rapaza y aprovechó
pa mecese col pueblu baxando a la mina carbón d’Arnao
(24-8-58), de la Real
Compañía Asturiana, talo
que la de Santa M.ª del Mar. P’algamar
a la mina de primeres garra
una falúa nel
Puertu hasta San Xuan de
Nieva y darréu un tren quela
lleva a Arnao (yá tenía
gana ella de xubir en tren…).
Baxó más d’ochenta metros
y, fecha una llaceria
– un hecce homo,
dicen agora – tomó un vinu
español na Campa
Arnao colos esmadexaos
políticos que la acompañaren
nel tránsitu.* Dende’l Cabu
Peñes sintieron
los glayíos de los mineros cuando-ys regaló 4000 riales d’oru que
tuvo a bien roblar con una vela na paré de la mina: “I”
(Isabel).
Tres el trunfu tomó un
merecíu descansu nel Palaciu de Ferrera, qué menos.
* Yo tamién entré va poco - nun quiero que la Reina piense que soi un cagón - unos pocos metros y ¡carayu! la gana que tenía de salir.
Has visitar el Muséu la Mina d'Arnáu, merez la pena.
* Yo tamién entré va poco - nun quiero que la Reina piense que soi un cagón - unos pocos metros y ¡carayu! la gana que tenía de salir.
Has visitar el Muséu la Mina d'Arnáu, merez la pena.
Tamién
nos cuntaron que se dio un vueltu pela ciudá de Ruy Pèrez (¡Meca,
yá tengo entamanada
otra ruta):
<<Arcu
los Molinos, Plaza la Constitución (España), ilesia San Nicolás,
capilla de los Alas, Muelle, Ponte vieya de Sabugo, cai d’El Cañu,
Campu la Mercé, Puente Nuevu, cai San Bernardo y Colexu les
Monxes>>. Cumplía
los deseyos d’O’Donnel al pie de la lletra.
Agora
vien
lo más gordo: ¡El viax a
Cuadonga!
Cola
piel moreno y la herpes esaniciada dafechu (la
mar de Xixón ye única, yá
sabes) entama
la visita al orixe, el camín aniciáticu a
la Cuevona onde Pelayo dio
un repasu a los moros, confiaos na so superioridá militar. La Reina
quier ver la cueva, el santuariu celta, y narboliar
la Cruz
de la Victoria
talo d’un Alfonso se tratare.
Deciden que tire pela Carretera la Costa – yo creyo que foi pola
carretera Pola Siero - y el 27
d’Agostu sal la reina camín de Cuadonga, n’honor de multitúes,
acompañada pol so maríu, los dos infantinos, don Antonio M.ª Claret y
un séquitu de políticos de “quítate p’allá”. Quería dar el
campanazu p’anubrir la visita a Cuadonga que ficieren los Duques de Montpensier y que tantu rixu llevantare
n’Asturies cola so visita del añu anterior:
- Va enterar la mio hermana quién ye la Reina.
 |
| La Virxe de la Cueva: Tal como lo vio la Reina. |
El día 27 d’Agostu la Reina , tres ser aclamada en Pola
Siero y Nava, algama a L’Infiestu y fai una parada obligatoria na
capiella rupestre de La Virxe de la Cueva. Tien que salir de
la ruta, pero merez la pena. Asitiada a un kilómetru de la capital,
na carretera que tira pa Campucasu, hai una capiella “a teyavana”
al abellugu d’una roca caliar; algo digno de ver, según el so
confesor Antonio M.ª Claret, y nun dulda en visitala. Los piloñetos
saben de la importancia del envite ya igüen-y una ponte provisional
sobro’l Pilona, ancha y segura, pa que la ilustre pelegrina
s’arrodiye énte la Virxe ensin pilancu algún y poder escuchar la
misa qu’oficiare’l Patriarca de les Indies.
Y agora camín de Parres peles tierres de les Dueñes tres
dexar atrás Villamayor y Sevares… Otra vuelta cruzar el ríu
Piloña (quería ser más que Pelayo) y xubir seliquino hasta Llames.
Equí entama lo que güei conocemos como
El
Camín de La Reina :
<Llames
– Viabañu – Romillo – Romillín – Vega los Caseros -
Villanueva - Cangues d’Onís
y Cuadonga>
y que nun ye otro que la farda d’esti post.
En Llames tuvo que sentar nun bancu qu’entá anguaño se conoz
como’l “ Bancu la Reina”. Quiciabes se parare a contemplar el
paisax o la ilesia de San Martín d’Escoto. De xuru que-y cuntaren,
con munchu procuru, la historia d’esta capilla y del esaniciáu
monesteriu de les Dueñes de Sotu, nun fuera que camentara en
comparances luxurioses…
Nada fácil foi tresnar esti camín pa que la Reina nun careciere
de respigos. La verdá ye que nin tan siquier taba del too temináu
cuando llegó y diben iguándolu sobre la marcha, al son de la xarré
real. Pero quedó ehí pa los restos y bien que-ys vino a los
vecinos, talo qu’a nós, magar reburdiaren un poco d’aquella por
mos d’algunos esbardagüertos. El comerciu con Cánicas, l’antigua
capital del Reinu, diba ameyorar bien dello.
Llegó la Reina a Cangues d’Onís el mesmu día 27 embaxo
un artu de trunfu d’estilu asturianu y un cartelu que rezaba:
<A
la Reina, la Corte de Don Pelayo >.
Agospió nel Palaciu Cortés, en ca del Abogáu de los Reales
Conseyos, don Antonio Cortés y Llanos. Esi día l’anfitriona tuvo
l’atrevencia de parir un guaje que la mesma Reina bautizaá por
poderes, na ilesia de Santa Mª del Mercáu (Muséu la Reconquista),
unos díes más tarde.
Al día siguiente, 28
d’Agostu de 1858, la Reina Isabel II pisaba la Gruta sagrada
tres ferregüeyar nel Repelao l’obeliscu a Don Pelayo que la so
hermana regalare a Cuadonga.
Baxo paliu y énte’l clamor del xentíu, el repique la Campanona y
tola corte celestial de políticos, la Reina traviesa l’arcu
vexetal onde ye recibía pol obispu que l’acompañará hasta la
Cueva. La misa solemne cuerre a cargu del so confesor Antonio M.ª
Claret y la confirmación de los infantes como Principes d’Asturies
del Patriarca de les Indies, Tomás Iglesias Barcones. Darréu la
receición ( por nun dicir yacuada) na Sala Capitular de la Colexata
vien celebrase una procesión nel Campu del Colláu onde la Virxe
lluz el riquísimu vestíu que-y donare la propia Reina (dexó-y otru
de repuestu pa que, a poder ser, nunca nun punxera’l de los
Montpensier, coses de reines).
Enantes d’atapecer colaren pa Xixón y el día siguiente
pásenlu despidiendo los amigos y faciendo les maletes mientres los
guajes berren al altu la lleva.
- ¡Mama, yo quiero quedar en Xixón! - rebudia
Sabelita.
El 30 d’Agostu xinten n’Uviéu y agospien en Mieres, en ca
de don Bernaldo. LLuéu tiró pal Ferrol en barcu, entamaba la visita a Galicia. Muncho-y costó a la Reina despidir Asturies; nunca
nun va alcontrar xente tan encantadoro nin paisax tan allucinantes.
Asturies ye un fierru que te dexa marcáu de por vida.
************************************
El reináu de Sabel II
Sabelita reina dende 1833 (tenía 3 años) hasta la Revolución de 1868 (nueche de San Daniel), cuando entra Madoz, un total de 35 años. En 1874 produzse la Restauración y torna la Monarquía con Alfonso XII [1858 – (1874- 1885)], que morrió mui nuevu y otra vez a les andaes (coles vueltes que dimos pa ponete, ho).
Mentantu la
minoría d’edá de Sabel – del 33 al 43 - gobernaren como
rexentes so madre María Cristina, primero (33-40), y Espartero
detrás (40-43).
Sabelita reina dende 1833 (tenía 3 años) hasta la Revolución de 1868 (nueche de San Daniel), cuando entra Madoz, un total de 35 años. En 1874 produzse la Restauración y torna la Monarquía con Alfonso XII [1858 – (1874- 1885)], que morrió mui nuevu y otra vez a les andaes (coles vueltes que dimos pa ponete, ho).
 |
| - ¡Ai, Sabelina del alma la que se te vien encima! |
- El mandáu de
Maria Cristina tuvo marcáu pola primera Guerra Carlista pos a Carlos,
el tíu de Sabel, nun-y prestaba un res qu’una mentecata reinare. Ello obligó la Rexenta arrimar a los lliberales, moderaos,
eso sí. La victoria lliberal, tres la sublevación de los sarxentos
de la Granxa, nel 36 da-y el poder a Mendizabal que proclama la
desamortización de los bienes de la Ilesia ya espubliza la
Constitución de 1837:
.
La soberanía reside na nación.
.
El Parllamentu tien dos cámares: Congresu y Senáu.
Esto nun fizo
otro que da-y puxu al capitalismu y al lliberalismu, pero l’anoxu
de la Rexenta pa colos lliberales progresistes trexo como
consecuencia la so abdicación (1840) y la xubida al poder del
célebre xeneral Espartero, domador de los carlistes. Arriendes d'ello la
rexenta cola pa Francia (pa esconxurar más a gustu) escaeciendo les fíes en manes del congresista
Argüelles y la condesa d’Espoz y Mina; teníen bona intención pero nun
yeren los pas que precisaba una neña, Reina de futura profesión:
pocu afeutu ya escasa educación. Los guajes tienen que conocer les
llendes, y les consecuencies de pasales.
- Condesa,
vamos facer d'esta guaja
la mayor republicana.
- Crees n'agüeros, Agustín,
son Borbones a la fin.
- Condesa,
vamos facer d'esta guaja
la mayor republicana.
- Crees n'agüeros, Agustín,
son Borbones a la fin.
 |
| Xeneral Espartero - La h.odiste, Baldomeru, los cañones al trasteru. |
- Con Espartero nel poder los
lliberales estremaren ente “moderaos” y “progresistes”, pa onde elli picaba algo más, anque a la fin terminó a mal pa con toos ellos; colos moderaos porque queríen una Constitución mui light y colos progresistes - y eso qu'empezó bien suprimiendo la "llei d'ayuntamientos"* controlaos pola monarquía - porque queríen una rexencia a tres ("trinitaria"=Argüelles) y claro, el que manda nun quier estorbos.
Apagó un güelpe d’estáu afaláu pola ex-rexenta; la ¡bruxa! sofitó en Narváez, O'Donnell, Prim... y contó cola complicidá de los nacionalistes vascos y navarros colos que'l rexente nun pudo arreglase del too. Pero l'enrocamientu na so camarilla (los "ayacuchos") y la poca mano zurda que tevo pa cola revuelta de Barcelona ( mira que bombardiar la ciudá por oponese a les milongues testiles pa colos ingleses... Y fusilar a los xenerales revolvinos...**) trexo de resultes la so dimisión y la mayoría d’edá (?) de Sabelita: ¡Reina a los 13 años!, y a mandar… Lo que nun arreglaba nin dios diba igualo una guaja trece años... Pos que venga Dios y lo vea.
* La Rexenta quería unos ayuntamientos con alcaldes a midida, onde ell@s pudieren caciplar a mamplén.
- Lo nueso son les perres, a España que-y den.
** - Oi, Espartero, qu'arrebatos dictatoriales tenémoslos toos pero...Un Gobernante tien que controlar...
La misión histórica de Sabel II tuviere ser pasar a España del absolutismu del Antiguu Réxime al lliberalismu más modernu pero... nin los procuros d'Argüelles y la condesa d'Espoz y Mina, nin los gobiernos semanos de galones, nin les presiones absolutistes y relixoses, nin les espiriques ente los lliberales fueren pa con ello; llegamos los porres, los últimos de fila...
Apagó un güelpe d’estáu afaláu pola ex-rexenta; la ¡bruxa! sofitó en Narváez, O'Donnell, Prim... y contó cola complicidá de los nacionalistes vascos y navarros colos que'l rexente nun pudo arreglase del too. Pero l'enrocamientu na so camarilla (los "ayacuchos") y la poca mano zurda que tevo pa cola revuelta de Barcelona ( mira que bombardiar la ciudá por oponese a les milongues testiles pa colos ingleses... Y fusilar a los xenerales revolvinos...**) trexo de resultes la so dimisión y la mayoría d’edá (?) de Sabelita: ¡Reina a los 13 años!, y a mandar… Lo que nun arreglaba nin dios diba igualo una guaja trece años... Pos que venga Dios y lo vea.
* La Rexenta quería unos ayuntamientos con alcaldes a midida, onde ell@s pudieren caciplar a mamplén.
- Lo nueso son les perres, a España que-y den.
** - Oi, Espartero, qu'arrebatos dictatoriales tenémoslos toos pero...Un Gobernante tien que controlar...
 |
| <Con isti xiquilindrán nun tien la Reina nin pa empezar> |
La misión histórica de Sabel II tuviere ser pasar a España del absolutismu del Antiguu Réxime al lliberalismu más modernu pero... nin los procuros d'Argüelles y la condesa d'Espoz y Mina, nin los gobiernos semanos de galones, nin les presiones absolutistes y relixoses, nin les espiriques ente los lliberales fueren pa con ello; llegamos los porres, los últimos de fila...
El reináu
de Sabel II podemos dividilu en cuatro estayes:
. Década
moderada (44-54)
. Bieniu
progresista (54-56)
. Bieniu moderáu
(56-58) y Gobiernos de la Unión Lliberal (58-63)
. Cris cabera
(63-68).
Tres la partida de la Reina vien el Sexeniu Democráticu, de 1868 a 1874, en que torna la restauración borbónica con Alfonso XII.
Tres la partida de la Reina vien el Sexeniu Democráticu, de 1868 a 1874, en que torna la restauración borbónica con Alfonso XII.
 |
| Narváez |
A) Década moderada (44-54):
Tres la caida d’Espartero (ganó la rapiega exiliada) y delles amarraces parllamentaries convóquense ellecciones y entama la <década moderada> que lleva los moderaos al poder col so presidente Narvaez de cabezaleru. Igüen una nueva Constitución, la de 1845, más retrógrada que la de Mendizabal (37) pos tien la soberanía compartía ente Corona y Cortes a les que namái lleguen los que renten 12000 riales o más y son votaos polos que tienen 400 R/V, polo menos; vamos, que votaben cuatro gatos. España torna ser un estáu confesional (Concordaru católicu 1851) y la relixón cólase na enseñanza dafechu.
Tres la caida d’Espartero (ganó la rapiega exiliada) y delles amarraces parllamentaries convóquense ellecciones y entama la <década moderada> que lleva los moderaos al poder col so presidente Narvaez de cabezaleru. Igüen una nueva Constitución, la de 1845, más retrógrada que la de Mendizabal (37) pos tien la soberanía compartía ente Corona y Cortes a les que namái lleguen los que renten 12000 riales o más y son votaos polos que tienen 400 R/V, polo menos; vamos, que votaben cuatro gatos. España torna ser un estáu confesional (Concordaru católicu 1851) y la relixón cólase na enseñanza dafechu.
Tres munches
alternatives casen a la Reina (1846) col so consensuáu primu,
Francisco d’Asís. Ingleses, franceses, moderaos y progresistes
calletraben nes sos conveniencies pero naide nun pensó na Reina,
una rapaza borbona de 16 años. Un fiascu, l’italianu nun taba pa
esos trotes.
Narváez quita-y-pon queda hasta’l gorru y termina a palos cola Reina, col
Rei, colos lliberales, colos absolutites, con carlistes, obreros,
burgueses y hasta col mesmísimu San Pedro… Dió-y un arrebatu
absolutista (dictatorial, diríemos agora):
- ¡Qui
comando io!
Tevo que
dimitir nel 51 y el catolicón Bravo Murillo apaga veles cola Ilesia
frenando la desamorización (esti foi’l que dio a los senadores
paga vitalicia) amás de suspender les Cortes pol güelpe d’estáu
de Napoleón III en Francia:
- ¡Agora faigo
lo que quiero! (hasta peslló les Cortes un añu).
Tas guapu, Murillo. Nun pudo
cola corruptela política por mor de les concesiones públiques onde
la familia real taba embarrada dafechu ( ¡coño!, suéname a
moderno...). Dimitió nel 52.
Pasamos dos años a güelpes y revueltes que terminaren cola Vicalvarada y la Reina, desconcertante, noma primer ministru a ¡Espartero! (qué enfotu) envede a O Donnell (yá más lliberal qu'antaño) que yera'l gallu la revuelta.
B) Bieniu progresista (54-56):
En realidá ye un apañu ente'l progresismu d'Espartero y la moderación d'O Donnelle, al que noma Ministru de la Guerra.
- Nun te me pases pa cola ilesia, Baldomero.
- Y tu tenme la reciella xagüetando los cuarteles, nun quiero revueltes a brañaes; a ver si t'europeices un poco, ho.
- La Fecienda precisa perres.
- Pos métite colos ayuntamientos, o coles órdenes militares, pero déxate d'escosar la Ilesia.
- Caún pue pensar como quiera, Poldo, y amás tenemos qu'emburriar el ferrocarril.
- Pos busca perres fuera, equí nu hai un rial.
- Dímelo a min, la xente trabaya a pandiar y cobren menos qu'en parte alguna. Voi tener qu'aplicar la Desamortización de Mendizabal...
- ¿Otra vuelta?... Pos yo yá tengo entamanada la Unión Lliberal, les engarradielles son inevitables.
- Pos ehí te quedes, yo nun quiero más sangre.
C.1) Bieniu moderáu (56-58):
Rotu l'alcuerdu ente Espartero y O'Donnell tampoco pue esti últimu d'aguantar como Presidente de Gobiernu y n'ochobre del 56 torna Narváez al poder colos moderaos y la Constitución de 1845. Son dos años d'inestabilidá y cambios de gobiernu. La Reina ta negra...
- ¡Que quiero dir de vacaciones a Asturies, carái!
C.2) Gobiernos Unión Lliberal (58-63):
El 20 de Setiembre de 1858 la Reina tien nuevu gobiernu presidíu por O'Donnell. Nun la dexaren esfrutar del viax per Asturies y Galicia pero va tener cuatro años y picu de ¿tranquilidá?.
Torna a la Constitución del 45 pero'l gobiernu controla'l llexislativu dafechu. Hai inversiones públiques, puxa'l ferrocarril y ameyora l'exércitu. Repúsose'l Concordatu magar se siguió desamortizando a cuenta apurrí-y a la ilesia deuda pública. Hebo reformes alministratives ya hipotecaries (1861) y tuvimos el primer Plan de Carreteres pero.... el corrompimientu, la puñetera corrupción política ya económica que la prensa nun podía criticar como debiere ( nun salió p'alantre la Llei de Prensa) acabó por amortecer aquel rellumu de lluz del que los carlistes quixeren aprovechar col alzamientu en S. Carlos de la Rápita asina como tamién los campesinos, esplotaos, qu'esplotaren nuna revuelta esaniciada drásticamente.
Na política esterior vamos chungos; perdimos el potencial d'antaño en favor d'Inglaterra y Francia talo qu'en Europa. Francia arrastrónos a la guerra na Cochinchina ensin que sirviera p'asegurar les posesiones que teníemos en Filipinas, Guam o Borneo. Precisamente cuando la Reina colaba de Xixón pal Ferrol nel viax propagandísticu entamaba la guerra colos vitnamites, que se tuvieron metío colos misioneros españoles (vete tu a saber si nun fueren los franceses, los felones). Tamién anduviemos metíos en guerres per África, Crimea, México, Santo Domingo... Pero tres la derrota de Trafalgar (1805) quedamos ensin Artmada y nun yéremos naide.
A partir de 1861 entamó l'acosu a O'Donnell. Moderaos y progresistes escapaben de la Unión Lliberal - Cánovas, Rios-Rosa, Prim...- asina como militares, burgueses catalanes, ... tol mundu. Echáben-y muncha culpa a Posada Herrera pero cuando dexó'l gobiernu la cosa siguió igual... O'Donnell dimite el 2 de Marzu del 63 pero nun ye fácil sustituir a un home más afamáu que Messi...
B) Bieniu progresista (54-56):
En realidá ye un apañu ente'l progresismu d'Espartero y la moderación d'O Donnelle, al que noma Ministru de la Guerra.
 |
| O'Donnell, cabezaleru de la Unión LLiberal. |
- Y tu tenme la reciella xagüetando los cuarteles, nun quiero revueltes a brañaes; a ver si t'europeices un poco, ho.
- La Fecienda precisa perres.
- Pos métite colos ayuntamientos, o coles órdenes militares, pero déxate d'escosar la Ilesia.
- Caún pue pensar como quiera, Poldo, y amás tenemos qu'emburriar el ferrocarril.
- Pos busca perres fuera, equí nu hai un rial.
- Dímelo a min, la xente trabaya a pandiar y cobren menos qu'en parte alguna. Voi tener qu'aplicar la Desamortización de Mendizabal...
- ¿Otra vuelta?... Pos yo yá tengo entamanada la Unión Lliberal, les engarradielles son inevitables.
- Pos ehí te quedes, yo nun quiero más sangre.
C.1) Bieniu moderáu (56-58):
Rotu l'alcuerdu ente Espartero y O'Donnell tampoco pue esti últimu d'aguantar como Presidente de Gobiernu y n'ochobre del 56 torna Narváez al poder colos moderaos y la Constitución de 1845. Son dos años d'inestabilidá y cambios de gobiernu. La Reina ta negra...
- ¡Que quiero dir de vacaciones a Asturies, carái!
C.2) Gobiernos Unión Lliberal (58-63):
El 20 de Setiembre de 1858 la Reina tien nuevu gobiernu presidíu por O'Donnell. Nun la dexaren esfrutar del viax per Asturies y Galicia pero va tener cuatro años y picu de ¿tranquilidá?.
Torna a la Constitución del 45 pero'l gobiernu controla'l llexislativu dafechu. Hai inversiones públiques, puxa'l ferrocarril y ameyora l'exércitu. Repúsose'l Concordatu magar se siguió desamortizando a cuenta apurrí-y a la ilesia deuda pública. Hebo reformes alministratives ya hipotecaries (1861) y tuvimos el primer Plan de Carreteres pero.... el corrompimientu, la puñetera corrupción política ya económica que la prensa nun podía criticar como debiere ( nun salió p'alantre la Llei de Prensa) acabó por amortecer aquel rellumu de lluz del que los carlistes quixeren aprovechar col alzamientu en S. Carlos de la Rápita asina como tamién los campesinos, esplotaos, qu'esplotaren nuna revuelta esaniciada drásticamente.
 |
| Xeneral Prim: Monárquicu, lliberal, progresista... Presidente, poco tiempu. |
Na política esterior vamos chungos; perdimos el potencial d'antaño en favor d'Inglaterra y Francia talo qu'en Europa. Francia arrastrónos a la guerra na Cochinchina ensin que sirviera p'asegurar les posesiones que teníemos en Filipinas, Guam o Borneo. Precisamente cuando la Reina colaba de Xixón pal Ferrol nel viax propagandísticu entamaba la guerra colos vitnamites, que se tuvieron metío colos misioneros españoles (vete tu a saber si nun fueren los franceses, los felones). Tamién anduviemos metíos en guerres per África, Crimea, México, Santo Domingo... Pero tres la derrota de Trafalgar (1805) quedamos ensin Artmada y nun yéremos naide.
A partir de 1861 entamó l'acosu a O'Donnell. Moderaos y progresistes escapaben de la Unión Lliberal - Cánovas, Rios-Rosa, Prim...- asina como militares, burgueses catalanes, ... tol mundu. Echáben-y muncha culpa a Posada Herrera pero cuando dexó'l gobiernu la cosa siguió igual... O'Donnell dimite el 2 de Marzu del 63 pero nun ye fácil sustituir a un home más afamáu que Messi...
D) Cris cabera (63-68):
Pa sustituir a O'Donnell terminen buscando a otru gloriosu, el moderáu Narváez magar vencieren nes urnes progresistes, demócrates y republicanos. Hasta 8 gobiernos hebo ente'l 63 y 68 cuando estalla la revolución de La Gloriosa y trai la dimisión ya exiliu de la reina Sabel (cola pa París y torna Castelar); siendo'l más célebre'l del asturianu Mon y Menéndez, con Cánovas en Gobernación.
 |
| Alegoría de La Gloriosa (1868) |
Con Narváez nel poder torna (¿nun ta siempres presente?) la cris económica del 64 y les revueltes como la de la Nueche de San Daniel *vuelven al Presidente moderáu más dictatorial. Tres el Motín de San Gil ** fórmase'l Pautu d'Ostende colos más izquierdosos [ demócrates (Martos), progresistes (Calvo Alonso), republicanos (Pii y Margall) y hasta dellos unionistes ] con Martos y Prim de cabezaleros. Sabelita tienlo crudo cuando-y muerre Narváez (¡ yá nun vos agunto más!) y el so sucesor Serrano tamién se xunce al Pautu.
< Yá entamamos la Gloriosa,
yá echamos a Sabelina,
el casu ye, maminina,
¿qué facemos cola cosa?
¿ Repetimos Monarquía
o una República ansiosa? >
 |
| Fusilamientos de San Gil (26-6-1866) Por Juan d'Alaminos. |
 |
| Daña Sabel busca modo en París. |
Yá nada foi lo mesmo. La Reina cambió al blandiu O'Donnell pola cadarma Narvéz que yá tenía "puestu un pie nel estribu".... Más absolutismu, más cadenes, más cruces.... Más vacaciones pa la Monarquía.
- Bye, bye, Gloriosa; digo, Señora.
(Y que-y conste que-y tengo apreciu; ninguna Reina dio tanto a los españoles.
- ¡Desagradecíos!)
********************************
 |
| El Ferrocarril de Llangréu. |
. El
Duque de Riánsares yera un sarxentucu
mui cuciu - escuela Godoy -, fíu de vizconde, que casó cola viuda de
Fernando VII a la que-y endosó ocho fíos (taba resabiada del
“Deseáu”). Como’l matrimoniu fuere morganáticu
nin él nin los fiyos podíen tener prebendes o aspiraciones Coronaries pero ello
nun foi torga pa facer perres asgaya ya inventar un títulu pa cada
guaje y dellos más pa elli mesmu, hasta’l puntu que da la risa. Por
supuesto a midida qu’enantaba la familia ascendía volao nel
escalafón militar hasta algamar a Teniente Xeneral. Dicíen de la
ex-reina, la so muyer, que <nun había negociu n’España onde
nun metiere’l cazu>, tal pa cual:
. Ferrocarril
Llangréu-Xixón (1846, con capital mayormente asturiano y sede en
Madrid) el terceru d’España y el primeru industrial que sirvía pa
poner el carbón de la cuenca’l Nalón y Siero nel puertu d’El
Musel. El primer tramu Xixón-Pinzales (33-40) foi inauguráu en 1852
colocándose’l primer rail l’añu anterior cuntando cola
presencia de la “ex” :
- ¿Son los
railes de plata?- entrugó con goña la ferruñosa a tenor del costu
la obra.
 |
| Riánsares and family. |
. Nel 54 llegó a
Carbayín y en 1956 la “vaporeta” entró na estación de Sama
acorropiná de mercancíes y pasaxeros. Ficiérense-y munchos
ramales, menos el prometíu a La Villa; cosa qu’entá nun perdonen,
y con razón.
. Na Comunidá
Valenciana creóse la Empresa del Ferrocarril María Cristina . El
primer tramu del ferrocarril Valencia-El Grao echó andar en 1852,
llegando a Xátiva nel 54 y depués a Almansa y Tarragona…
. H.artos de
perres mètense en negocios bancarios y tienen tratos col marqués
de Salamanca, con banqueros franceses y hasta’l mesmu Rothschild
(Ruchil, como dicía madre) y
alquiriendo posesiones n’España (Cuenca, Asturies, Madrid) y por
media Europa: París (la Malmaison de Napoleón), Roma, El Havre
(onde morrió),
Suiza…
Como
l’avaricia ruempe’l sacu terminó exiliáu d’España por
“negreru”, magar
trapichare col tráficu d’esclavos con Cuba. Un datu positivu ye
que foi un gran mecenes, por exemplu col
pintor Fortuny; menos
mal.
********************
La
Desamortización foi un resorte
del Estáu Lliberal pa recaudar impuestos y facer espoxigar el país.
Col Antiguu Réxime la
economía taba estancada, la mayor parte la tierra taba abandonao en
manes de nobles (¿sedrá un eufemismu?), clérigos (<manos
muertes>) y baldíos
municipales. Col envís de
da-y una vuelta de tuerca l’Estáu espropia y vende a burgueses que
van sacar d’ello un mayor rendimientu y
al empar xenerar unos ingresos na Facienda Pública.
Magar
que yá hebo anicios en
tiempos de Carlos III y Carlos IV (Godoy)
les verdaderes
desamortizaciones lliberales fueren les de Mendizabal (1835), la
más célebre, y la
de Madoz (1855), la
que más beneficios-y reportó al Estáu. A
lo cabero les desamortizaciones el 35 % pertenecía a la ilesia, el
5% a beneficencia y el 50 % a los municipios.
La
Desamortización tevo consecuencies positives y negative
 |
| PUERTA LA VILLA o L'Arcu l'Infante, tán camentando al rodiu la visita la Reina. |
AGASAYOS:
. Wikipedia: <Isabel II>>
.Art. <lne> (17-4-2009):”Antiguas jornadas y visitas regias”,
Gloria Suárez Botas.
. Pacopantín: <Dos visitas reales a Covadonga nel XIX>. A la
vuelta fueron nun día de Cuadonga a Xixón. Salieron ente les 2 y 3
de la tarde. Regaló a la Virxe un vestíu con mantu y dos
pontificales, blano y prietu.
. <leyendasasturianas.blogspot>, de Marisa : “Isabel II en
Gijón”.
. <Historias de Covadonga>, d’Ignacio Gracia Noriega.- "Camín de la Reina", Información:
. <Vivirasturias.com>
.<www.asturiasparadisfrutar>: Por el Camín de la Reina y <www.ayto-parres.es>
. <www.arriondas.com>, por Fco. José Rozada Mtnez.
. restolé en <www.euskalnet.net> pa saber de Xuana Xacinta y tola triba Xovellanos.
. Visité les fotos y comentarios de <senor.blogspot.com> de Luis A. López.
