SENDERU DEL REMEDIU

                          SENDERU DEL REMEDIU 


           Domingu 19 d'Ochobre de 2014. SERONDA.

             El día tien bona pinta.  Cuando salimos de Santurio p'agarrar la Minera camín del Remediu (Nava) yá Faetón daba nicios del so poderíu. Dempués de coyer pan na Tahona de Vega - nun alcuentres manxar qu'asemeye a esti en munchos kilómetros na redolada - empobinamos pal entamu la ruta.
Llegamos fácil delantre la famosa Ilesia del Remediu (s. XVI), onde aparcamos el coche.

                           Ilesia de La Virxe del Remediu de La Miyar de Nava
                        
                 La ruta trescurre práuticamente toa per senderos de lo más afayaizo: secos, solombriegos (facía sol) ya ...¡estraos de castañes!. Como vos prometiere la selmana pasada nun perdiemos la ocasión pa enllenar una bona fardela. Güei martes yá entamé a dar cuenta d'elles. Nun son grandes, pero lo sabroso vien en tarros pequeños...

                          

                          Castanea sativa  : Castañes de Nava, pa los currantes.

                           Pel camín alcontramos requexos y barrios perguapos:  coles típiques cases de  corredor...¡qué pasada!
                                      

                Barriu típicu:  Cases de corredor y antoxana, con cortafueos.









                       
                     Pa que nagüéis voi dexavos unes semeyes que fui atropando pel camín....

                   Horru, esperando poles riestres de panoyes p'hacia'l final de la seronda ...asina como un arreglín....

                                     

                    
                 Casona de xente de "porqué": con galería, panera,....Eses palmeres arrecienden a indianu. Equí nun se pasó fame nel 41....

                          

                                  Llavaderu y bebederu pal ganao.

                                      

                               Curiando la collecha  panoya: Maruxa.
                                       

                               Fata a la gueta ...La propia pañando castañes.

                                   

                     "Macrolepiota prócera", clamiando por una plancha que la venga a rescatar.

                                  

                                 Reciclando.....Posible vivienda pa suegra.

                                      

                          Un refrán: 
                                      "¿Fíu de cabra?........Cabra o cabritu"  
                                                        (Cómo queréis que tenga igua...)

                                      

                   Descuaxaringada "Casa Mariñana" ,  quelle  dommage!

      Otru día falaremos a fondu d'estes ayalgues de la NUESA arquitectura.


                            

    Otra casería de ¡"válgame Dios"!.........

                                          Pel camín,
                                                          ficimos amigos...

                                                                        .......... Ya enemigos........ 
                                                           

          

                          Pero lo más grande foi tener la suerte d'alcontrar al mio collaciu del alma A.Arturo Redondo Cueto, compañeru d'estudios allá pola década Kennedy-Marilyana.....(¡Yá tien llovío!....)
     

                             

                       Que Dios nos de salú pa seguir alcontrándonos de xemes en cuando.......yá qu'andamos na mesma xera:  tastiar les ayalgues que nos xopelexa la nuesa Asturies. ¡Un abrazu!

                        Retornamos onde entamamos: La ruta ya circular.

         
                                        La célebre Ilesia d' El Remediu.                

                            Pero eso sí,......

  

                                                                   ¡ cola saca estrada castañes!
      

Final  del  Capítulu