DRAMATIS
PERSONAE
Na
ODISEA los PERSONAXES
tanto
humanos como divinos tán entemecíos de manera tala que puen llegar
a confundise al amosar les mesmes pasiones.
.
Personaxes Cabezaleros nesta ODISEA CAMINIANA: Ulises (Odiséu) .
Alter
Ego
d’Odiséu. El Bardu. El Poeta d'Asturies (Alfonso Camín).
.
Personaxes perimportantes : Atenea.
Poseidón. Penélope. Telémaco. Circe. Calipso. Nausícaa. Polifemo.
Los cicones. Los lotófagos.. Los lestrigones. Les serenes voladores.
Escila y Caribdis. Eolo...Ino. Alcínoo (Feacia)
. Personaxes importantes : Helena. Zeus. . Paris. . Nestor Menelao (Esparta). Pentesilea. Príamo
(Troya). Tetis.. Antínoo. . Eumeo (porquerizu).Euriclea (vieya Yaya).
Laertes. . Anticlea. Pisístrato (fíu de Nestor)
.
Personaxes secundarios (nesta Odisea) : Imena. . Héctor (Troya). Bóreas.
Céfiro. Noto. Faetón . Euro. Argos. Arete. Dolio .
Melancio. Arneo (el gallu peleón). Exipciu. Mentor (amigu d’
Ulises.Ítaca). ....... Dellos habitantes de Roces Y dalgunos más.
más.
^Personaxes terciarios: Aquiles. (Peleo). Patroclo. Diomedes
(Rei d'Argos) Ayax (Salamina) . Agamenón (Micenas)
B).
PERSONAXES DIVINOS. Llueu
tán l@s dios@s, los meudioses, ninfes, pléyades, adivinon@s, ....
Vamos, tola triba que se sal de lo normal, seique pa los griegos esta
xente sía como de casa.
¿Quies dalgunos apuntes al rodiu d'estos personaxes?
. Ulises: El
mocín d'esta aventura yera fíu de Anticlea y Laertes, rei de Troya
(hai quien diz que de Sísifo, seguramente pensando no pirabán que
salió) . Foi un de los protagonistes d'esta epopeya na que tevo un
papel decisivu al idear el Caballu de Troya. A la vuelta perdióse y,
tres una ODÝSSEIA de diez años algamó a la patria, Ítaca, pa
poner orden en casa.
. Atenea:
Una de los 12 dioses del Olimpu, fía del xefe Zeus, que
representa a la Sabiduría y la estratexa Guerrera. Fízose amiga
d'Odiséu, seguramente polo cuciu que yera, y tienlu sacao
d'enguedellos mil. Yá quixera yo tener una amiga ansí.
.Poseidón: Dios
olímpicu de los Océanos, enemigu acérrime d'Ulises al que
boicoteaba siempre que podía. Cómo diba consentir un fíu de Cronos
y Rea - hermanu de Zeus - qu'un simple mortal como Ulises riera del
so fíu Polifemo .... -
¡A ti póngote yo firme, aquéu!.
 |
| < Penélope aguardando> |
. Penélope: La
paciente y fiel muyer d'Ulises. ¡Venti, 20, años texendo y
destexendo mientres esperaba por un home que salió de casa col envís
d'echar un pitu en Troya!. -
Nun t'esmolezas, chatina, en cuatro díes toi de vuelta.
. Telémaco: Fíu
d'Ulises que nagua pola vuelta de so padre viendo'l sinvivir nel se
taba convirtiendo Ítaca. Nun s'aguantó y foi buscalu cola gabita
d'Atenea. Formó parte activa del GARAPIELLU de los DOCE qu'acabaron
colos pretendientes al tronu.
. Polifemo: Xigante
unigüeyu, fíu de Poseidón, que tuvo la desgracia de topar con
Ulises que se vio obligáu a dexalu ciegu darréu quedar ensin dellos
collacios que sirvieren d'almuezu al antropófagu. ¿
Nun podíes comer keftito (corderu), musaka (berenxenes con carne
picao) o Horiatiki (ensalada) como cualquier griegu? ... Non, tenía
que ser cachopu d'itacense .... Pos agora aguantate, por menos
quedó ciegu Nepociano.
. Circe: Fechicera
cruel colos homes por mor d'un desengañu. Ulises termina domándola
hasta'l puntu que bebe los vientos por él. Nun pudo retenelu más de
trés años, si por ella fuere ... Bueno, terminó aidándolu a colar
de la islla d'Eea camín de casa ... La verdá, quedó un poco h.arta
de sentir tul día "Pé ...Pé ...Pé ..." .
- Anda, tira pa casa, qu'otru vendrá ...
 |
| <Calypso, engatusando a Odiséu> |
. Calipso: Si
había una moza guapa nel entornu mediterraneu esa yera Helena , y si
había un ninfa chula de verdá esa yera Calypso. Vivía
na islla d'Ogigia arrodiada de toles comodidades, claro que'l
entrorne yera tan guapu que malpenes precisaba de casa. En fin Ulises
aterrizó ellí fechu una triste llaceria pero ensiguida se
recompunxo y .... Tevo Atenea - ¿sentía celos? - qu'unviar a Hermes
con un recao pa que la inmortal lu dexare colar. Siete años de
melindres pasó ellí'l llorón hasta que terminó por alcordase que
tenía una muyer esperando
- Puedo
facete inmortal, ¡quédate conmigo!
-
Ya nun doi pa más, chatina; casi meyor los esmolecimientos caseros
...
Canten
los bardos qu'hasta tuvieren dellos fíos ... Nun debieron
rexistralos porque naide nun reclamó la herencia ....
 |
| Nausícaa |
... Nausícaa: Otra
probina que namoró del xitanu. Topólu na playa pensando que yera un
maderu podre y salió-y un paisanu como pocos helenos:
educáu, atentu, competente y arrechu.
- Papi,
esti ye'l que taba esperando yo ...
Alcínoo,
rei de feacia, fizo lo que pudo pa retenelu pero ensiguida dio cuenta
que nun había manera, que Penélope taba esperando ya Ítaca
quedába-y al par de casa (los feacios ya itacenses yeren casi
vecinos). N'efeutu, el rei Alcínoo amás d'una acoyida como namás
sabe iguala un helenu facilitó-y una nave que lu llevare a casa.
.jpg) |
<Siéntolo abondo, Aquiles. Por esta SEÑORA voi voluntariu a la GUERRA> |
. Helena :
La farda la Guerra Troya yera una muyer espectacular, de xuru que nun
había otra asemeyada que pudiere llevantar pasiones tales. Casada
con Menelao, rei d'Esparta foi raptada pol príncipe troyanu Paris
provocando la chispa qu'encendió la Gran Guerra de la Edá del
Bronce. Tamién contribuyó a poner fin a la mesma aidando a Ulises a
entrar en Troya. De vuelta casa Menelao perdonó porque taba namoráu
dafechu.
. Aquiles: Del
rei los mirmidones fálase poco na Odisea pero la so lleenda siempres
ta presente a lo llargo de la historia helena. El fíu de la ninfa
Tetis yera casi inmortal, mala suerte que les agües del Estigia
nun-y bañaren el todiellu. Cuántes batalles ganó esti héroe magar
qu'esta Guerra de Troya nun-y pruyera un res.
. Héctor: L'héroe
troyanu antagonista d'Aquiles yera'l fía del rei Príamo de Troya.
La Odisea entama tres los funerales d'esti iconu.
. Apolo: Músicu
y poeta esti fíu de Zeus yera'l dios del sol, de l'adivinación y
les artes. Veraniaba nuna islla cerca de Sicilia que pastiaben
unes vaques curiaba como si d'una fía pequeña se tratare. LOs
collacios d'Ulises nun lo sabíen y los chuletones costaren-yos la
vida.
 |
| <Esta pareya armó la de Troya> |
. Agamenón: Nun
ye que na epopeya odisíaca fuere relevante pero sí se camienta,
sobre manera nos palacios, la muerte del promotor de la Guerra a
manes de la muyer y l'amante. - Merecióte
la pena, gallu.
. Menelao: L'hermanu
d'Agamenón y maríu d'Helena punxo al corriente a Telémaco del
paraderu d'Ulises amás de ponelu al día sobro'l personaxe que da
vida a tola epopeya homérica. Peleó con Paris, como yera
preceutivo, pero nun pudo da-y capirote pola farda d'Afrodita
que se metiere pel mediu.
. Antínoo: El
capu los pretendientes a Penélope yera un personax verdaderamente
odiosu. Telémaco teníalu enfiláu y hasta que lu mandó pal Hades
nun paró. Esti marchó ensin moneda.
.
Laertes: La
Odisea fina en casa del ancianu rei d'Ítaca, pá d'Ulises,
cuando Atenea algama la paz ente <los doce de la venganza> y
los parientes de los pretendientes que pretendíen lo mesmo.
.........................::::::::::::::::::::::::::::::......................
5.B) PERSONAXES de la RUTA CAMINIANA
La Ruta Caminiana nun
ye otro qu'una caminada pela parroquia de Roces (Xixón) teniendo como
finxu soxacente la novela autobiográfica del escritor de La Peñuca
d'Alfonso Camín <Entre manzanos. Niñez por duros caminos>
magar qu'a traviés de la mesma vamos dir conociendo tanto los
personaxes, llugares y fechis históricos que tuvieren llugar a lo llargo
de los sieglos como los más actuales. Equí namás vamos sopelexar unos
pequeños apuntes sobro la vida ya obra d'esti escritor que da nome a la
Ruta., el restu pues conocelu per acoiu los ocho post que conformen
<<Otra vuelta a Ítaca>>, cadún col so nome específicu.
Piensa qu'Odiséu salió d'Ítaca y el guerreru tornó a so Patria talo que
Camínque saliendo de Roces vieno a pasar los caberos díes a esta
parroquia. Ehí van unos apuntes. ALFONSO CAMÍN: EL POETA ERRANTE
Ello
yera l’añu 1890.
Reinaba n’España
Alfonso XIII
pero por mor de la so corta edá (4 años) venía
a ser so
madre, María
Cristina d’Habsburgo
(Casa d’Austria), la
que cortaba’l bacalao ya
oficiaba
de Rexenta mentanto’l guaje cumpliere los 16 años. Ye nesti intre
cuando xurde entre pomares
y caleros una nueva vida
en Roces (Xixón) que
tuviere de llevar a Asturies al parnasu
de la lliteratura hispanoamericana na primera metá del sieglu XX.
.jpg) |
| < La torre de Veriña > |
<
Ñací sobro peñascales
y al abelugu d’una
torre
mirando l’agua que
cuerre
embaxo,
ente los nozales>.
De
ñacer ente pomares, polvu
y piedra de les canteres de Roces algama
l´honor de frecuentar
a la élite
lliteraria
y artística
de la dómina: Rubén
Dario, los hermanos Machado, Palacio Valdés, Valle Inclán, García
Lorca, Pedro Salinas, Jorge Guillén, Gerardo
Diego, Romero de Torres,
Manuel Medina, Dionisio G.
Fierros, el conde Romanones, Emilio
Martínez, Constantino Cabal, Ramón y Cajal, el
músicu Luna, Victor
Macho
y tantos otros
……
<
Ellí onde hai
cantera y hai camín
que cuerre hasta la
villa marinera
enantes de ser camín y
ser cantera
foi
cuna y pedestal del mio destín>
Podríemos
dicir qu’Alfonso Camín ye un poeta modernista
a escontra forga. Siguidor
de Rubén Dario (1867 – 1916) cuando entamó a facer poesía –
espubliza so primer obra “Adelfas” en 1913 – xustamente
morría’l nicaragüense. Asina ye que Camín fizo una poesía
modernista cuando yá taba
pasada
de moda porque los que
puxaben naquel momentu yeren los escritores de la Xeneración del 27
(seique yá entamaren haza
l’añu
20): Lorca, Machado, G.
Diego, V.
Aleixandre, Altolaguirre, Dámaso Alonso, Alberti, Salinas,
Guillén y dellos más).
Esta poesía modernista
carauteriza poles referencies sensoriales al traviés del color, el
tautu, el perfume, la lluz ya una
musicalidá desbordante
y sonora. Xusto
ehí vemos
a Camín.
<
Foi nes mios hores de fiebre. Pelegrín
güerfanu y solu, pel
mundu andaba;
toqué nel to corazón,
sonó l’aldaba
y salióme lo to imaxe
al camín.
Xurasti xuncir la to
suerte al mio destín,
cerca de mi la tempestá
sonaba
y, por nun ser nel amor
más brava,
tornasti
al to balcón de rosa xazmín*.>
*
Escribe
Camín:
“de rosa y trino”.
Pero por mor de la rima …. Tomámosnos
esta llicencia.
Acreedor
d’una poesía de
impulsos y de rixu –
tal yera’l so calter – nun tenía reposu nin control; cuando
s’embalaba yera un faunu
en plena viesca
caribeña onde
arramplaba colo que fuere pa sobrevivir. Nun
quedare ninfa n’aquella
islla a
la qu’él nun
escorriere…
Bravu, arrechu y
pendencieru enxamás
s’echare p’atrás
ante nada nin ante naide (¿l’agua
de La Peñuca o la sidra
de Roces?...).
<Dicen
que la vida ye mala.
¡ A quién-ylo vas
cuntar, amigu,
que siempres llevé
conmigo
l’infortuniu
y la bala !>.
...................
<Crecíu
ente guerres civiles y mundiales
cómo queréis que sía
yo un corderu pascual.
Soi
la foguera y la pólvora sobro los
vendavales
ya un reflexu dramáticu
del duelgu universal>
D’otra
miente yera una persona
reconocida
nel ambiente lliterariu
pola so sensibilidá y saber estar.
De tratu francu, y
abiertu; espléndidu y
agradecíu, amás de cultu, amenu y respetuosu cola obra ayena a la
que sabía emponderar cuando yera menester. Hai gustos estremaos,
mas cuando consideraba que dalgo nun lo merecía yera satíricu
y sogón ensin
contemplaciones, sobre manera con aquellos que lu achacaben de poeta
menor: faltu de preparación (nun fuere a la univerdidá), de versu
fácil
y superficial. Della
vegada arrepostió-y a ún d’esta
miente:
<
Solpla un vientu, ciertamente,
sobro la faz conocida
que, señores, pa nada
nun ye frecuente
qu’a
manotazos s’intente
esborrialu
de la vida ...>
Nel
haber del poeta de Roces tien la renombradía de ser consideráu
como’l aniciador de la poesía afroantillana
y por vez primera xube a
la raza negra
a la palestra; non
en vanu pasare más de
media vida n’ultramar: Cuba y México. Ensin que por ello
s’escaeciere un momentu d’España y sobremanera del so Roces natal del
alma:
<
Nada m’importa,
bon amigu,
tener el terruñu a
distancia,
Asturies, dende la
infancia,
va por aire y mar
conmigo.>
Pesarosu,
magar de too, por esa distancia involuntaria
tiense
entrugao camín del
retornu caberu a
la so Patria (1967):
<
Si soi’l roble col
vientu en guerra,
¿cómo viví cola raíz
ausente?
¿Cómo se pue florecer
sin tierra?
Y
pa poner la
espuela sentímoslu cantar:
 |
| San Xulián de Roces, dende la Carbayera |
<
Voi de palu y de cortexu.
Voi de Roces hasta
Granda,
voi de Granda hasta
Mareo,
voi de Roces a Porceyo.
¡Soi
de San Xulián de Roces
yo’l mio pueblu nun lu
niego!
Como exemplu d’esa POESÍA
AFROANTILLANA podemos recordar dellos versos de la so obra más
conocida - en Cuba ye un himnu popular, talo l’«Asturies» de
Victor Manuel-, < La Macorina> :
< Venti años
y ente palmeres.
Los cuerpos, talo
banderes.
Noche. Guateque. Danzón.
La orquesta marcaba un
son
de viesca ardiente y
caprina.
El cielu, un gran
frenesí:
“Pon,
ponme la mano equí,
Macorina”.
Allumen el barracón
grandes faroles de
China.
¡ Fines plantes de
criolla
que borden el canevá
d’aquel danzón, que
s’enrolla
como na palma’l
“mah.á”;
y alguien que diz qu’
«arrolla»
to cuerpu, ritmu y
pasión!
Como guitarra en
tensión
tu dibes tremando,
tremando;
yo diba pulsando,
pulsando
un bordón ya otru
bordón.
¡Entá nun sé ónde
queda
la piel y entama’l
llinón!
Pa min que tou yera seda
caliente naquel danzón!
Un pañuelu carmesí
que voló del corazón
d’algún negru
“lucumí”,
y ente magaya
y pasión
quedóse tremando ellí.
«Pon,
ponme la mano equí,
Macorina»
……
Yo bebo l’últimu ron
y quedo pensando en ti.
En ti y naquel danzón.
Nel vieyu barracón
yá nun hai faroles de
China.
¡Tán toos fechos
carbón!
«Pon,
ponme ….. >
La Macorina:
María
Calvo yera
una
humilde moza cubana que foi cantante, conductora y cortesana d’altu
postín que se convirtió nun símbolu del
feminismu de
la Cuba del XX y que se caltién n’actualidá. Esta
“diabólica” muyer foi la primera que conduxo un coche en Cuba,
con toles de la Llei. De la nada algamó a convertise en millonaria
naquella Habana de puros, dances, gansteres y ron. Tenía rindíos a
los sos pies a tola “troup” de los cabezaleros faunos cubanos de
la dómina. Col pasu del tiempu, de la gracia y donosura terminó ….
Chavela Vargas convirtió’l
poema de Camín nun himnu nacional, dalgo así como l’ “Asturies”
de Victor Manuel.
-----------------------------------------
Alfonso
Camín foi de siempres un rapaz rebelde,
xabaz ya inamansiable:
<Enantes
quiero ser Lluzbel
que l’Ánxel Buenu;
yo
nun m’avengo a soportar el pinu
fechu
una cruz, talo
que’l Nazarenu.
Y
por mor del
mio perfil lluciferín,
repica roncu’l so
tambor el truenu
y el rayu va
allumándome’l camín.>
Arriendes
d’ello, como nun podía ser d’otra
miente, Camín yera un lliteratu de ruempi
y riesga
: irónicu,
sogón
y sarcásticu
por demás; tenía por bandera la poesía de Quevedo. Si los poetes
de la Edá d’Oru yeren críticos cola falsa política imperialista
de los reis Habsburgo (Austria)
qué diba salir d’un escritor que naciere
ente canteres y vivía
col
desastre del 98 al llombu
(Antilles y Filipines) y
por si fuere poco del mataderu de Marruecos.
<
Diznos Carlos
Aboyáu (Abollado,
en castellán):
Debe España fabricar
más y meyor acabáu
si ye que nun quier
palmar.
Ya olvida’l desconocíu
con prosa de Cascabel,
que tien d’entamar él
por iguar el so
apellíu.>
:::::::::::::::::::::::::::::::::::::::::::::::::::::::::::::::::::::::::::
D’OTRES
CONSIDERACIONES AL RODIU d’A. CAMÍN
AL RODIU LA SO FAMILIA
:
Alfonso Camín Meana ñació
na Peñuca, un barriu de La Nozaleda de la parroquia de Roces
(Xixón), nel añu 1890 en tiempos de la Rexenta María Cristina d’
Habsurgo muyer d’Alfonso XII y madre d’Alfonso XIII, rei dende’l
so nacimientu.
El pá de Fonsín nomábase
Manuel Camín Lozano yera fíu de Pepe Camín y María Lozano que
vivieren na Braña, ente la Perdiz y la Carbayera de Roces (asitiada
a la vera de la Ilesia de San Xulián). Manuel yera un
home de mediana estatura, flacu y nervudu, bona persona y vecín
comprometíu pero’l so cater tamién tenía el so aquél… Yera
mui apreciáu nes canteres de Roces polos sos conocimientos pa
trabayar la piedra. Hebo un tiempu que tamién trabayó na Fábrica
d’Aceros de Morea, a onde la so muyer debía lleva-y la comida al
turullu de les doce. Maximina yera una santa y dalgo
más emprentadora que los Camín. Viviendo na Peñuca llegó a tener
un taller de costura – na casa de Pepe’l Chicu - pa les moces del
pueblu de La Nozaleda.
L’ ABONDOSA OBRA de
CAMÍN:
Yo
creyo que naide nun sabe lo que realmente algamó a escribir
Camín. Ye tán bayurosa la so obra que cuesta trabayu numberala
por completu. D’una
imaxinación desbordante y tala facilidá pa versificar que podía
ser consideráu – sálvense les distancies - como’l Lope de Vega
del modernismu tardíu o
un románticu Espronceda
talamente desferráu.
Por
mor d’esta falta d’acomodu nel tiempu lliterariu que-y tocaba
vivir y la falta d’estudios normativos
ye polo que quiciabes
Camín nun tevo en vida’l reconocimientu oficial y públicu que
tuviere bien merecío.
¿
Ye que l’abondosa cultura personal autodidacta
qu’alquirió - lleía na
tená, enriba la masera y hasta debaxo la mesa; por nun poner otros
exemplos más caprinos - ¿nun tien inclusive tantu valir esta
enseñanza
como la mesma académica?…
¿ Y entós Cervantes y
tantos otros? …
Buenu,
a fin de cuentes si escuchamos el sentir de Vargas Villa (París,
1925) podemos entender onde ñaz un Poeta:
.«El
verdaderu Poeta nun tien Maestros nin nagua por selo. /
. Canta como ruxe’l Mar,
como marmuria’l vientu, como trina’l reiseñor. /
. Puen exitir códigos
d’Arte pero nun hai códigos de Poesía; la inspiración siéntese,
nun s’enseña. /
.Hai
regles pa facer versos pero nun hai regles pa facer poesía.»
.
Y
Camín yera la POESÍA n’estáu puru, los versos xurdíen
nelli talo’l felechu nos montes de Roces: Instintu, inspiración,
ritmu, coloríu,
contrasentíu,
arrebatu y desenfrenu:
AMOR.
«Esti
Alfonso Camín, de flor y aceru,
poeta pola gracia de
l’aurora;
nietzscheana
la pupila esclucadora,
bordón de toxu astur,
capa y sombreru.
Independiente y llibre
como elli solu,
Marte
nes lluches y nel
versu Apolu»
Otra
esculpa, pienso yo, pa que
Camín nun algamase
esi merecíu
reconocimientu lliterariu
– el
Cervantes tuviere sío
la guinda del pastel a la
so obra pero tevo que conformase coles del bardal de La Perdiz -
podría ser la falta
d’un compromisu políticu
esplícitu
bultable; nun militaba en
dengún partíu magar les sos idegues claramente izquierdistes y el
réxime totalitariu de Franco yeren
un pilancu insalvable p’asitiase n’España : “
Pendencieru y
desafeutu
al Réxime”, dicíen
los papeles….
Pero
nun lluchó na Guerra
Civil española,
magar fuere
un republicanu convencíu…
Lo qu’él
dixo de Pepón de l’Abadía en realidá dicíalo d’elli mesmu:
“republicanu
románticu”. La
guerra yera la suya personal, nun
pretendía otra cosa que ser
escritor. Bastante pasare yá dende chicu: La estroza na casa de La
Peñuca - con 5 años - polos consumeros que
lu dexare marcáu de por vida,
la paliza de Flor de Diego por defender un ñeru, la escorripanda del
maestru por mor d’una inxusticia, la multa por torear un burreñu (
con estocada incluyida), los
trabayos impropios d’un rapaz d’once años nes canteres y caleros
de Contrueces y La Coría y sobremanera les
pelees a garrote y navaya col Pirolo por nun aguantar los
abusos de quien atalantaba
ser superior. ¿ Y la fame
que pasaren unos rústicos aldeanos que nunca nun llegaren
a llabradores
?…
::::::::::::::::::::::::::::::::::::::::::::::::::::::::::
EL TRASIEGU LA SO
VIDA: Poeta errante
Alfonso Camín ....La Peñuca (1890- 1905) >
L’Habana >1905
- 1916 > España > 1ª G.
M. (1916) Madrid (1916 – 1936)
>Torna L’Habana. 1936 > México (1937- 67). Torna definitivu España: 1967. .> Madrid (67- 78) > Porceyo ..(78-
82). FINAL del CAMÍN.
Culu inquietu siempres
qu’asitiaba nun sitiu facía escapaes a otros llaos…. 2018 Tando n’España va a
México.- . Tando en Madrid vien a
Asturies y llueu va hasta L’Habana.. En 1953 Tando en México
va hasta L’Haban.
Camín: LA GUERRA D’ESPAÑA
Cuando entamó la Guerra
Civil n’España (1936) a Camín pillólu en Palencia y d’ ehí
yá foi pasando per Valladolid, Lleón, Galicia (Llugo. A Coruña ),
Asturias (Cangues del Narcea- La Puela ) A Coruña, Villablino, La
Puela, Cangues, Navelgas .- L.l uarca (presu 28 díes) -
A Coruña, otra vuelta (10 meses colos sublevaos) , Valença do Miño,
Lisboa…. >Mayu 1937» L’Habana ...»»» México.
. RELLACIÓN D’OBRES
clasificaes por años y llugar d’estancia … Nun ye fácil
clasificar tola obra de Camín Meana. Tengo entendío qu’escribió
68 obres pero yo mesmo tengo visto 74 … Vete tu a saber, cualquier
día aprucen más …. Yo dexo una amuesa de daqué rellación :
Adelfas (Habana, 1913.
2.ª ed. México, 1920).
Crepúsculos
de Oro (Habana, 1914).
El
valle negro
Los
Emigrantes (1915)
Cien
sonetos (Habana, 1915).
La
ruta (Madrid, 1916)
De
la Asturias simbólica (Habana, 1916. 2.ª ed. México, 1918).)
¿Quosque
tandem? (México, 1920).
Alabastros
(México, 1921)
Hombres
de España (Madrid, Renacimiento, 1923).
La
moza del castañar (Madrid, Renacimiento, 1923).
Hombres
de España y de América (Habana, 1925).
De
la Asturias simbólica y nuevos poemas
(Madrid,
Renacimiento, 1925).
La
Carmona (Novela asturiana) (Madrid, Renacimiento, 1925).
Carteles
(Poemas) (Madrid, Renacimiento, 1926).
Los
hombres y los días (Madrid, Renacimiento, 1927).
La
Pícara molinera
Entre
volcanes (Novela). (Madrid, Renacimiento, 1928).
Xochitl
y otros poemas. (Madrid, Ed. Ibero-Americana, 1929).
Antología
poética. (Madrid, Ed. Ibero-Americana, 1930).
Carey
(Poemas de Cuba). (Madrid, Ed.Revista Norte, 1931).
La
Pregonada (Novela asturiana).
El
gallo de Mateón
La
Mariscala o el verdadero Bobes
Juan
de la Cosa (Madrid, Ed. Revista Norte, 1945).
España
y sus hombres
América
y sus hombres (México, 1957)
Entre
manzanos (1952)
Entre
palmeras (Vidas emigrantes)
El
collar de la emperatriz
El
mundo y sus hombres
La
moza del molino
La
copa y la sed
(México, Imprenta Azteca, 1954)
AMADEO NERVO pon la espuela a
la vida de Camín:
“ Misión
cumplía,
poeta; pues reposar
nel to llechu
de llaureles”.
AMUESA
POÉTICA
1. AUTORRETRATU
« Yo soi como eses selves
que sol’l esplora;
y a fuerza de ser
bonu, siento’l placer del mal;
mi vida ye
talo un chozu que’l mio optimismu enfloria,
mios mandes,
unes gotes del sangre nel puñal.
Vime nel
horizonte, crucié la mar sonora,
la rosa de los vientos
marcóme un ideal,
y retornié,
trayendo, talo una flor, l’aurora
y l’oru los mios versos
por únicu caudal.
Nada importa que
güei la Patria, talo una madre ciega,
xulgue foriatu al fíu
cuando a los sos brazos llega,
si’l sellu de la so
fonduxe nun ye fácil d’esborriar.
Y l’aigla d’oru y
fueu, el mio coral románticu,
pa cantar dos mundos, lo
mesmo que l’Atlánticu,
tiende, talo dos veles,
les sos ales sobro’l mar»
6.- ENSEÑANCES de los
MIT0S de la ODÝSSEIA
Los
mitos representen l’arquetipu del viaxe del héroe, la intelixencia
(metis), la fuercia física , la lealtá, la resiliencia ... Equí los tenemos: .
Polifemo. Circe. Escila y Caribdis. Calipso. Los Lotófagos. Nelia
(Hades). Les vaques d’Apolo. Eolo. Penélope (la fidelidá.). La
Venganza. El VIAXE: La ODISEA.
6.
0. La Odisea ye un viaxe d’aprendizax
. La vida ta enllena de falcatrúes que debemos aprender a sortiar y
al empar dir madurando y esfrutando coles enseñances que nos va
apurriendo. El final nun ye’l fin , el fin ye’l CAMÍN
que percorremos asina
como tolo qu’aprendemos.
6.1. El mitu de Polifemo .
Representa la victoria de la intelixencia y astucia sobro la
fuercia bruta y el xabacismu magar que tamién fainos una alvertencia
: <Nun te rías del próximu , el karma pue tornase escontra
tuya>. Ulises rio del xabaz Polifemo pero yera fíu d’un dios – Poseidón
– y pagó les consecuencies pasando numberoses llaceries; arriendes dello tardó otros diez años más en tornar a casa.
6.2. El mitu de Circe .
Circe yera una muyer sabia y conocedora de la naturaleza humano
qu’actúa por cuenta propia; nun se trata d’una sumisa muyer
tradicional poro desafía al orde establecíu. Tamién nos enseña
que la redención ye posible pasando de ser un un ser cruel, al
convertir los homes en guiñapos, a comprendelos y actuar en comuña
con ellos, de igual a igual.
6.3. El mitu de Calipso
representa’l valor de la llibertá y la llucha ente’l deber y el
deseyu. Odiséu refugó la inmortalidá pol valor del deber. Lo
primero ye lo primero.
6.4. El mitu de los
Lotófagos representa dellos peligros , el del conformismu
qu’adormez la voluntá torgando la llucha polos ideales .
Tamién rescata la importancia de la prudencia, hai de ser
precavíu y nun dexase embolicar polos placeres inmediatos.
6.5. El mitu de les vaques
d’ Helios pon en valir la importancia de la obediencia y la
pallabra. Prometieron nun comer les vaques d’Apolo poro la
desobediencia trexo un castigu terrible: Esmucieron tolos collacios
d’Ulises . ¡Colos dioses nun se xuega, mentecatos!. Ten
curiáu con quien te metes.
6.6. El mitu d’Eolo ,
el dios que zarró los vientos nun odre col envís que nun actuare
escontra los marinos itacenses. Pero estos terminaron por desatar la
bolsa de los truenos por cobicia y desconfianza. Y eso dempués
qu’Eolo se portare <como Dios> pa con ellos. Hai que ser
agradecíu.
6.7. El mitu de Penélope
ye’l mitu del AMOR y la FIDELIDÁ , de la paciencia y del
saber esperar.
6.8. El mitu de la venganza
ye’l castigu a la desllealtá de los pretendientes .
Significa’l trunfu del metis (prudencia,
sabiduría y picardía), del orde y de la paz.
7.- SOBRE
DIOSES y otros rangos paranormales.
< MITOS: De
DIOSES y HÉROES >
De
mano ta’l MITU.
Sí, esi rellatu fantásticu y maraviyosu que nos cuenta les fazañes
de dioses, héroes ya otros seres estraordinarios y que tien asocedío
abenayá y n’una dómina bien exemplar. A vegaes pue confundise’l
mitu cola lleenda (yo siempres). El mitu trata d’interpretar
l’orixe del mundu, del ser humanu o de fenómenos naturales per
aciu d’esplicaciones universales seique la lleenda pon el güeyu en
personaxes o fechos más concretos, con base histórica pero
fantasiada.
 |
< Los creadores de MITOS: Aedos > <Safo cantando pa Homero |
Los
mitos remanecen nel mancomún popular sicasí caltiénense pola mor
d’unos tresmisores afayadizos: los poetes, aedos,
bardos
o recitadores (rapsodoí)
que
cola inspiración de les muses y la gabita de la lira componen poemes
en versu col preste de la xente. Homero ya Hesiodo son los primeros
bardos que conocemos; podemos asitialos haza’l s. VIII e.X. De xuru
qu’hebo otros enantes pero nun tenemos constancia d’ellos por
falta de pruebes escrites; convién facer alcordanza que l’alfabetu
griegu – la escritura*
– aprució nesa increyible época del Bronce ( s. IX - VIII e.X)
cuando surden les ciudaes, los primeros templos, espoxiga la cerámica
xeométrica y los griegos tírense al mar pa fundar colonies y
enantar el comerciu, cosa que se venía faciendo dende la dómina
minoica. ¿Foi la Guerra de Troya una consecuencia d’aquella
espansión? .... Troya bien podía tar faciendo un tapón pa colase
nel Mar Negru al traviés del Mármara... ¿o Helena yera tan GUAPA?
... Al guerreru Agamenón valía-y cualquier cosa.
*
La civilización minóica-micénica yá conocía la escritura pero
les tablines-archivu de barru que l’amosaben esmucieron dafechu,
gracies a los dorios, seguramente, y quedamos como’l gatu panza
arriba.
.
La civilización minoica
tuvo un espoxigue espectacular durante’l Bonce (2000 – 1450 e.X)
sopelexándose sobre too na islla de Creta onde llucíen grandes
palacios (Cnossos) y siendo célebre pol so arte, el conocimientu del
mar y ... la escritura
(Llinial
A).
.
Esta civilización vieno a sucu baxeru haza 1045 e.X cola erupción
de la civilización
micénica
que floreció na Grecia continental (Peloponeso, sobre too) ente 1700
y 1050 e.X. aproximao: Micenas, Esparta, Pilos, Argos o Tirinto amás
de Tebas, Corinto y hasta Creta son llugares míticos de los micenos.
Foi
esta civilización un avance de la minoica no que cinca al arte y
cultura, seique más sobria, dando un pasu más na escritura -
Llinial
B
– que yá acolumbra’l griegu, antiguu, claro. L’amor al mar y
l’espíritu guerreru que sopelexen nes ciudaes-estáu amurallaes
son otros de los finxos que la carautericen. Un paseín pol palaciu
de Néstor en Pilos y col remate d’una cena nel megarón,
n’acrópolis de Micenas, puen tresportate al Monte Olimpu colos
dioses.
 |
| <La influyencia Micénica> |
CLASES
de MITOS
. M. Cosmogónicos: Al
rodiu l’orixe del mundu mundial.
. M. Teogónicos: Del
orixe ya historia de los dioses.
. M. Antropogónicos:
Despliquen l’orixe de la humanidá.
. M. Etiologónicos:
Del orixe de les especies animales o vexetales ya otros fenómenos
naturales.
. M. Morales:
Lleiciones sobro’l Bien y el Mal.
. M. Fundacionales: De
ciudaes o civilizaciones.
. M. Escatolóxicos:
Anuncien el fin del mundu.
Los mitos que vamos tratar
equí son los que se rellacionen coles lleendes La Iliada y La
Odisea.
CLASES
de LLEENDES
. Lleendes urbanes:
Histories populares que circulen nel ámbitu de la ciudá.
. LL. Rurales:
Asociaes al territoriu campesín.
. LL. Llocales :
Que se circunscriben al pueblu, provincia o rexón.
. Lleendes Relixoses:
“La Virxe de Fátima” . La Santina.
. Lleendes Morales:
“L’home del sacu”
.........:::::::::::::::::::.................
L'ORIXE
El
principiu del mundu ta nel orixe de los dioses ... Por mor de les sos
refregues conocemos cómo entamó too ... ¿Y...? Cada civilización
tien la so esplicación sicasí son los mitos
griegos los que nos lo van cuntar. ¿Escuchamos al bardu?:
 |
| < GEA, la madre TIERRA > |
«El
mundu surdió del caos primixeniu, una masa confuso y desordenada.
D’esti caos nacieron les primeres deidaes: Gea,
la Tierra, ya Urano,
el Cielu. D’esta granible aunión nacieron los TITANES, los
CÍCLOPES y los HECATÓNQUIROS.
Urano
viendo crecer a los fíos y poniéndose no peor terminó encuartando
a esos 12 titanes
nel vientre de la Tierra, so madre Gea, que muerta de dolor convenció
al pequeñu y cobiciosu Cronos
pa rebelase escontra so padre y tomar el poder.
-
Toma
esta foz y ataca con ella a to padre agora que ta durmiendo.
Y
asina lo fixo; con un güelpe onde más duel dexó a Urano pal
arrastre. El sangre que manaba enllenó les nubes d’un bermeyón
allucinante, anguaño entá se pue columbrar de xemes en cuando pa
plasmu de la xente.
Esti
Cronos, el xefe, tenía munchos fíos y tamién andaba cola mosca
tres la oreya asina que pa curase en salú diba, pasu ente pasu,
tarmiando aquellos retueyos que podíen llevalu a perder los
atributos del poder, yá m’entiendes (Diba zampando a los fíos)
....
Otra vuelta a l’amarraza – la Titanomaquia -
qu’aprovecha Zeus,
el gallu la quintana, pa dar un güelpe d’estáu en comuña colos
sos hermanos, los otros 12 del Olimpu (que nun son los titanes,
sicasí esti númberu repítese davezu). D’esta miente cúmplese la
profecía d’Urano:
-
Cronos, va pasate lo mesmo qu’a min: Va ser el to fíu’l qu’acabe
contigo.-
Y asina foi, Zeus acabó con Cronos.
Yá
tán engaramaos los 12 nel Panteón, el nuevu centru de poder del
mundu, mentanto los sos ancestros, la banda de Cronos, pasa a tar
desterrada nel Tártaru, l’inframundu. Los trés capos de la
revuelta fueron: Zeus, que quedó col cielu; Poseidón que dominaba
les agües y Hades que baxó al Hades, a los infiernos.»
NOTA del BARDU: El mundu
xurdió del caos y en cuantes abrió los güeyos empezaron a hosties
... Y asina siguimos .
Delles
ACLARACIONES complementaries:
1.¿Cómo ye que los
olímpicos pudieren ganar la batalla a los dioses titanes
primixenios?
Cola
gabita de los cíclopes
y
los hecatónquiros,
a los que rescataron del Tártaru y qu’aportaron les armes
afayadices amás de lluchar en comuña con ellos. Tamién tuvieren
otros aliaos como Estigia y los sos fíos: Cratos, Zelo, Bía y Niké.
Y más...
Tamién
los primixenios – titanes - tuvieren ayuda talo Atlas, que tres
perder la guerra quedó castigáu al tar sosteniendo’l mundu pa
siempres, menos
mal
...
2.- ¿Quiénes son los
cíclopes?
Los CÍCLOPES
son unes criatures mitolóxiques, xigantes y con un güeyu namás
metanes la frente. Había - ¿hai? – de tres clases:
 |
| < La ceguera de Polifemo> |
. C. Uránidas,
(fíos d’Urano y Gea) forxadores d’armes.
. C. Constructores
de muros (Tirinto y/o Micenas)
. C. Pastores
xabaces y caníbales talo
Polifemo.
¿ Qué sabese de los
hecatónquiros?
Los HECATONQUIROS
yeren 3 hermanos xigantes xigantones con cien güeyos y cincuenta
cabeces. Fíos tamién de Gea ya Urano, polo tanto hermanos de
titanes y cíclopes. Son conocíos como: Coto asociáu
col fueu y los volcanes), Briareo (coles tempestaes marines) y
Giges (asociáu colos terrremotos).
......:::::::::::::::::::::::::::::::::::::::::::.............
¿
Facemos un repasu de tola pléyade de Divinidaes importantes ?...
DIOSES
. Grecia foi bien granible en
dioses, seique toos nun teníen la mesma categoría. En principiu,
tres Gea - la madre
de too - ya Urano
nacen los seres conocíos como primixenios o
titanes.
Darréu remanecen los más célebres, los nomaos dioses
olímpicos (otros 12) pos vivíen nel OLIMPU, comandaos
por Zeus. Nesi tiempu fueron apruciendo otros más territoriales que
dependíen de los primeros, amás de les circunstancies. En resume:
 |
| < La castración d'Urano> |
- Dioses primordiales:
Gea ya Urano
- Dioses primixenios
o titanes: 12 (6 homes + 6 femes) . Cronos y Rea.
- Dioses olímpicos: 12
. Zeus y Hera.
- Otres Divinidaes.
...............................:::::::::::::::::::::::::............................
Los
fíos de Gea ya Urano son los TITANES
o
divinidaes primixenies,
ye dicir, de la primer xeneración, que foron doce, seis homes :
Océano, Ceo, Crío, Hiperión, Xápeto y Cronos
y seis femes: Tea, Rea,
Temis, Mnemósine, Febe y Tetis. Más tarde hebo otros de segunda
xeneración talo Jafet o Atlas. Los titanes son unos seres llonxevos,
xigantones y forzudos y con carauterístiques específiques de según
la función encomendada
_contre_son_p%C3%A8re_et_divers_m%C3%A9daillons_pierre_grav%C3%A9e_crop.jpg) |
| <CRONOS menaciando al mundiu> |
.
TITANES
: Los 12 titanes griegos, ye
dicir, los fíos de Gea
ya Urano
son, de mano, estos (bueno, cualquier día igual xurde dalgún más):
.
Titanes
machu:
Océano, Ceo , Crío, Jápeto, Hiperión y Cronos.
. Océano:
El más grande de los titanes que representa al Océano.
. Crono: El
lider que derrotó a Urano – so padre – y padre los primeros
dioses olímpicos. El so fíu Zeus devolvió-y el favor al güelu.
. Hiperión: Pá
del Sol (Helios), de la Lluna (Selene) y l’Aurora (Eos).
. Ceo: Pá de
Leto y Asteria.
. Crío:
Pá de Palas, Astreo y Perses.
. Jápeto: Pá
de Prometeo, Epimeteo, Atlas y Menecio.
|
|
<Tetis
inmortalizando al so fíu Aquiles> por
Bertel Thorvaldsen
|
. Titanes
fema: Febe,
Mnemósine, Rea, Temis, Tetis y Tea.
Tetis:
Ye una divinidá marina pareya de Peleo, rei de Ftia, que tuvieren a
Aquiles, l' héroe más célebre durante la guerra de Troya. Tamién
ye la madre de los Oceánicos y les Oceánides*.
Mnemósine: De
la so rellación con Zeus nacieron les Muses, ye dicir la
memoria.
Rea:La
mayor parte de los dioses olímpicos nacieron de la rellación ente
Rea y Crono.
Temis: esto ye
la Xusticia y l’Orde.
Febe: Madre
d’Hécate y Asteria.
Tea: venceyada
cola Vista y cola Lluz, normal.
*Los oceánicos: Los
dioses oceánicos son los dioses venceyaos al mar, talo Poseidón.
Les oceánides son les
ninfes del mar fíes d’Océano y Tetis.
........................................
...
Cronos
y
Rea,
amás d’hermanos, yeren esposos y tuvieren 12 fíos conocíos como
los doce
del Olimpu.
.
Los
dioses
olímpicos son
12 + 2. Siempres el 12, esi icónicu númberu:
. Zeus. El putu amu.
Dios del Cielu y cabezaleru del Olimpu. Llibró de les fauces de
so padre Cronos por aciu de so madre ya obligólu a vomitar a los sos
hermanos colos que tresnó la sublevación. Propúnxose enllenar la
Tierra (l’Universu, diría yo) de fíos y ... Debe siguir n’ello.
. Hera. Diosa del
matrimoniu, proteutora de les muyeres, del cielu y les estrelles.
Tuvo 4 fíos con Zeus (Ares, Heba, Ilitia ya Eris) amás d’otru
d’estraperlo (Hefesto). Nun hai quintu malu y yá cuasi ye un
milagru dao que’l so falderu maríu malpenes paraba en casa.
.
Poseidón. Dios de los océanos. Ares. Dios de la
Guerra. Hermes. el mensaxeru del Olimpu. Hefesto.
Afrodita. Atenea. Apolo. Artemisa. Dionisio. Deméter.
Hestia y Hades nagüen por
colase na élite seique nun suelen ser bien recibíos. A vegaes
cámbiense con Dionisio que tampoco lo tien fácil pa tar nel
panteón olímpicu pero cuando amuesa la xarra’l vinu .... nun
hai dios que se resista.
¿Qué
misión suel encomendase a cadún? ....
 |
| <HERA> |
. Zeus ye l’amu, el
gallu la quintana, manda nel cielu y tien al truenu como aliáu.
¿Cúantos fíos tevo’l REI ? ... ¿Sábelo él? ...
. Hera ya la REINA del
Olimpu, la proteutora del matrimoniu y de la familia. Ta casada con
Zeus, claro. Atributos: cetru, corona y pátera.
. Poseidón,
l’archienemigu d’Ulises, gobierna los mares, los terremotos y ...
¡ama los caballos! (amás de Galatea). Tas perdonáu.
. Afrodita ye la diosa
del AMOR y la fermosura. Yá lo dixo Paris: “Nun hai otra como
tu”. Va costate caro, manín.
. Atenea ye la dueña
de la sabiduría, la estratexa militar y l’artesanía. Amiga
incondicional d’Ulises col que se compenetraba dafechu por mor de
la so picardía ya inxeniu pa resolver situaciones complicaes.
. Apolo, el guapetón,
conocíu como’l dios sol yera amante de la Música y les Artes ya
un gran Profeta. Nun taba esentu de mala lleche.
. Artemisa , hermana
ximielga d’Apolo, diosa de la Lluna y la virxinidá yera fácil
atopala cazando pela Viesca.
. Ares yera’l
guerreru por escelencia. Tenía trabayu abondo y entá lu tien
anguaño, por desgracia.
. Hermes, el dios de
los carteros. Yera’l recaderu (heraldu, dicen ellos) del Olimpu por
eso protexía a los viaxeros magar que tamién cuidaba del Comerciu y
hasta de los ¡¡lladrones!! (Pues alcontralu fácil al rodiu’l
Carrer de San Xerónimu).
. Hefesto Dios del
fueu, de los ferreros y tamién de los artesanos.
. Deméter yera la
diosa, non siempres bien apreciada, de l’agricultura y de la
collecha. A vegaes nun apaez na llista de los meyores, hai que ser
falsarios ...
. Dionisio, el
qu’entraba y salía de la llista ... Nun seyáis hipócrites,
olímpicos, que’l vino préstanos a toos, ¿por qué nun
reconocelo? ... Lo mesmo que la fiesta, ¿o non?. Pos eso. ¡Viva la
sidra y puxa, Dionisio!
OTROS
DIOSES IMPORTANTES ...
Aparte los 12 magníficos
tamién atopamos a Hades y Hestia.
. Hestia, fía de los
titanes Crono y Rea, fuere la primoxénita de los doce magníficos
del Olimpu. Magar les insinuaciones del poderosu Zeus y del guaperas
Apolo esta pacífica diosa siempres se caltuvo virxe; por eso ye
considerada la diosa de la familia, el llar y el fueu. Ye la tía
soltera que cuida la casa.
. Hades, el dios del
inframundu, el mundu de los muertos, por eso nun ta mui bien vistu
nel Olimpu magar que con Zeus (Dios del Cielu) y Poseidón (Dios de
los océanos) ye ún de los cabezaleros: Cielu, Tierra y Mundu
Soterrañu.
...................::::::::::::::::::::::::.................
 |
| Tetis inmortaliza a Aquiles |
Los Semidioses (Meudioses)
son los que nacen d’un dios/a con un/a mortal talo la nereida *
Tetis. Que yera fía de Nereo, l’ancianu rei del mar, y de
la oceánica** Doris.
* Nereides: Les 50 fíes
de Nereo y Doris. Facemos alcordanza d’algunes delles: Tetis (ma
d’Aquiles), Anfítrite (muyer de Poseidón), Galatea (probe
Polifemo), Calipso (eclipsó a Ulises), Doris, Cimótoe, Nesea,
Glauca, Cimódoca, Espeo, Talia, Psámate, Toa, Halia, Acteea,
Anfínome, Yanira, Doto, Proto, Calinaria, Ferusa, Dexámene .....
**Oceánides: Hai
milenta mil ninfes del agua, fíes d’Océano y Tetis.
Repartíes por mares, ríos, llagos o fontes ya hermanes de los
dioses fluviales. Dalgunes foron Metis, Estigia, Climene y Eurínome.
. ESTIMANCES
Tengo
que dar les más fervientes gracies a dellos escritores asina como a
blogs, páxines Web, editoriales, pintores ...
Talo ... <www.crop.jpg>. <linguisimo.com>. <www.historia.com>. < www.pintirest.com>. <aragoncultura.webp>. <fity.club> . <webciclopedia.blogspot.com> .
A los pintores G.Vasay y C. Gherardi y al Palacio Veccio por "La castración de Urano.
Al pintor Lafond por "Safo cantando pa Homero"
. Wikipedia, un veneru
inagotable . Qué diba facer yo ensin ti...
. Al modernu buscador del
IA. ¡Qué ayalga, mon die!
. <Las aventuras de
Ulises> de Gerónimo Stilton. ¡Un AMOR!.
. <La fabulosa historia de
Ulises> de B. Coppin y A. Ronzon
. <Helena y la guerra de
Troya>. ANAYA
. <El regreso de Ulises>
ANAYA
. < La cólera de Aquiles>
ANAYA
. < La guerra que mató a
Aquiles> de Caroline Alexander. ¡Norabona!..
. <Naves negras ante Troya>
Rosemary Sutcliff .
. < Las aventuras de
Ulises> Rosemary Sutcliff.
::::::::::::::::::::::::::::::::::::::::::::::::::
.jpg)
.webp)
.webp)
.webp)
.jfif)
.jpg)
.jpg)
.jpg)
_contre_son_p%C3%A8re_et_divers_m%C3%A9daillons_pierre_grav%C3%A9e_crop.jpg)
